பொங்கலுக்கு வரும் அண்ணாத்த: அறிவிப்பு வெளியிட்ட சன் பிக்சர்ஸ்

சன் பிக்சர்ஸ் தயாரிப்பில் சிவா இயக்கத்தில் ரஜினிகாந்த் நடிக்கும் அண்ணாத்த படம் பொங்கலுக்கு வெளியாகும் என்று தயாரிப்பு நிறுவனம் அறிவித்துள்ளது.

தர்பார் படத்தை அடுத்து ரஜினிகாந்தின் 168-வது படத்தை சன் பிக்சர்ஸ் நிறுவனம் தயாரிக்கிறது. இந்தப் படத்தை விஸ்வாசம் பட இயக்குநர் சிவா இயக்குகிறார். விஸ்வாசம் படத்தை அடுத்து ரஜினியின் 168-வது படத்தை சிவா இயக்கி வருகிறார். இந்தப் படத்துக்கு அண்ணாத்த என்று பெயரிடப்பட்டுள்ளது. இந்தப் படத்தில் நடிகர் ரஜினிகாந்த் உடன் குஷ்பு, மீனா, கீர்த்தி சுரேஷ், நயன்தாரா, சூரி, சதீஷ் உள்ளிட்டோரும் நடிக்கின்றனர். இந்தப் படத்துக்கு டி.இமான் இசையமைக்கிறார்.

கொரோனா ஊரடங்கு காரணமாக கடந்த 50 நாள்களுக்கும் மேலாக திரைத்துறைப் பணிகள் முழுவதும் முடங்கியுள்ளன. அதன் பல படங்கள் திட்டமிட்டபடி திரைக்கு வருவது கேள்விக்குறியாகியுள்ளது. இந்தநிலையில், அண்ணாத்த படம் பொங்கலுக்கு திரைக்கு வரும் என்று சன்பிக்சர்ஸ் நிறுவனம் அறிவித்துள்ளது. 2019-ம் ஆண்டு பொங்கலில் ரஜினிகாந்த் நடித்த பேட்ட படமும், 2020-ம் ஆண்டு பொங்கலில் ரஜினி நடித்த தர்பார் படமும் திரைக்கு வந்தது.

#AnnaatthePongal2021#அண்ணாத்தபொங்கல்2021@rajinikanth @directorsiva @immancomposer @KeerthyOfficial @prakashraaj @khushsundar @sooriofficial @actorsathish pic.twitter.com/PY5qldztmC

— Sun Pictures (@sunpictures) May 12, 2020

Also see: