• HOME
  • »
  • NEWS
  • »
  • entertainment
  • »
  • டூடுல் கலைஞரை காதலிக்கும் ஸ்ருதி ஹாசன்? வைரலாகும் புகைப்படம்

டூடுல் கலைஞரை காதலிக்கும் ஸ்ருதி ஹாசன்? வைரலாகும் புகைப்படம்

ஸ்ருதி ஹாசன்

ஸ்ருதி ஹாசன்

தான் மீண்டும் காதலில் விழுந்திருப்பதாக ஸ்ருதி ஹாசன் அண்மையில் சமூக வலைதளத்தில் தெரிவித்தார்

  • Share this:
1992-ம் ஆண்டு வெளியான தேவர் மகன் படத்தில் வரும் ‘போற்றிப் பாடடி பொண்ணே’ பாடலின் மூலம் சினிமாவுக்கு குழந்தை நட்சத்திரமாக அறிமுகமானவர் ஸ்ருதிஹாசன். தமிழ், தெலுங்கு, இந்தி மொழிப்படங்களில் பின்னணி பாடகியாக வலம் வந்த ஸ்ருதிஹாசன் பின்னர் திரைப்படங்களிலும் நடிக்க ஆரம்பித்தார். தமிழில் விஜய் சேதுபதியுடன் ஸ்ருதிஹாசன் நடித்திருக்கும் ‘லாபம்’ திரைப்படம் இந்த ஆண்டு திரைக்கு வரும் எனக் கூறப்படுகிறது. சோசியல் மீடியாக்களில் மிகவும் சுறுசுறுப்பான நடிகைகளில் ஒருவர் ஸ்ருதிஹாசன். இவர் சமீபத்தில் தனது 35வது பிறந்தநாளை கொண்டாடினார்.

இந்நிலையில் நேற்று மாலை அவர் டூடுல் கலைஞர் சாந்தனு ஹசாரிகாவுடன் கை கோர்த்தபடி மும்பையில் இருக்கும் உணவகம் ஒன்றுக்கு சென்றார். அப்பொழுது எடுக்கப்பட்ட வீடியோ வெளியாகி வைரலாகியுள்ளது. மேலும் கடந்த இரண்டு மாதங்களாக ஸ்ருதியை சாந்தனுவுடன் பொது இடங்களில் பார்க்க முடிவதாக கூறப்படுகிறது. தான் மீண்டும் காதலில் விழுந்திருப்பதாக ஸ்ருதி ஹாசன் அண்மையில் சமூக வலைதளத்தில் தெரிவித்தார் என்பது குறிப்பிடத்தக்கது.

ஸ்ருதி ஹாசன்


டெல்லியை சேர்ந்த சாந்தனு ஒரு டூடுல் கலைஞர் ஆவார். கடந்த 2014ம் ஆண்டு நடந்த டூடுல் கலை போட்டியில் சிறந்த டூடுல் கலைஞராக தேர்வு செய்யப்பட்டவர் சாந்தனு. ஸ்ருதிஹாசனை போன்றே சாந்தனுவுக்கும் இசை என்றால் உயிராம். தான் ஸ்ருதியை கட்டிப்பிடித்தபடி இருக்கும் புகைப்படத்தை இன்ஸ்டாகிராமில் வெளியிட்டு அவருக்கு பிறந்தநாள் வாழ்த்து தெரிவித்துள்ளார் சாந்தனு. முன்னதாக தன் காதல் வாழ்க்கை பற்றி வெளிப்படையாக ஸ்ருதி பேசி வந்த நிலையில் இம்முறை காதல் பற்றி எதுவும் வாய் திறக்கப் போவது இல்லை என்று முடிவு செய்திருக்கிறாராம்.

இதற்கு முன்னர் ஸ்ருதி ஹாசன் லண்டனை சேர்ந்த நாடக கலைஞர் மைக்கேல் கார்சேலை காதலித்தார். கடந்த 2019ம் ஆண்டு அவர்கள் பிரிந்துவிட்டார்கள். வேறு வேறு நாட்டில் வசிப்பதால் தான் அவர்களால் காதலை தொடர முடியவில்லை என்று மைக்கேல் சமூக வலைதளத்தில் தெரிவித்தார். ஸ்ருதியின் பிறந்தநாளான இன்று அவர் சலார் படத்தில் பிரபாஸ் ஜோடியாக நடிக்கிறார் என்று அதிகாரப்பூர்வ அறிவிப்பு வெளியாகியிருக்கிறது. கே.ஜி.எஃப். படம் புகழ் பிரசாந்த் நீல் தான் சலார் படத்தை இயக்குகிறார்.

ஸ்ருதி ஹாசன்


ஸ்ருதி ஹாசன் பிரபாஸுடன் சேர்ந்து நடிப்பது இதுவே முதல் முறை ஆகும். சலார் படத்தின் அறிமுக நிகழ்ச்சி அண்மையில் தான் ஹைதராபாத்தில் நடந்தது. அந்த நிகழ்ச்சியில் கே.ஜி.எஃப். ஹீரோ யஷ் கலந்து கொண்டார். சலார் படப்பிடிப்பு நாளை துவங்கவிருக்கிறது. தெலுங்கானா மாநிலத்தில் இருக்கும் கம்மம் மாவட்டத்தில் தான் நாளை முதல் 10 நாட்களுக்கு படப்பிடிப்பு நடக்கவிருக்கிறது. சலார் படத்திற்காக பிரமாண்ட செட் போடப்பட்டிருக்கிறது. அங்கு தான் பெரும்பாலான காட்சிகளை படமாக்கவிருக்கிறார்கள். முதலில் பிரபாஸின் அறிமுக காட்சி மற்றும் சண்டை காட்சி ஒன்றை ஷூட் செய்ய முடிவு செய்திருப்பதாக தகவல்கள் வெளியாகியுள்ளது.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Arun
First published: