Home /News /entertainment /

பாரதி கண்ணம்மா சீரியல்ல தான் வில்லி... வெண்பாவுக்குள்ள இவ்ளோ சோகமா?

பாரதி கண்ணம்மா சீரியல்ல தான் வில்லி... வெண்பாவுக்குள்ள இவ்ளோ சோகமா?

Farina

Farina

Farina Azad | தொடர்ந்து பேசிய ஃபரீனாவின் தாய், என் மகள் வெளியே வரும் போது அவளை சீரியலில் நடிக்கும் கேரக்டராக பார்க்காமல் பாசிட்டிவ்வாக ஊக்கப்படுத்துங்கள். ஒரு தாயாக இதை தான் நான் ரசிங்கர்களிடம் கேட்டு கொள்கிறேன் என்று குறிப்பிட்டார்.

மேலும் படிக்கவும் ...
சின்னத்திரையில் பல்வேறு வித்தியாசமான நிகழ்ச்சிகள் ஒளிப்பரப்பாகி வருகின்றன. வார நாட்கள் முழுவதும் சீரியல்களில் மக்களை பிசியாக வைத்திருக்கும் பிரபல முன்னனி சேனல்கள் அனைத்துமே, வார இறுதி நாட்களில் பல கலக்கலான ரியாலிட்டி ஷோக்களை களமிறக்கி ரசிகர்களை மகிழ்வித்து வருகின்றன.

அந்த வகையில் தமிழகத்தின் முக்கிய மற்றும் முன்னனி சேனல்களில் ஒன்றாக இருந்து கொண்டிருக்கிறது ஸ்டார் விஜய் டிவி. இதில் ஒளிபரப்பாகும் சீரியல்கள், ரியாலிட்டி ஷோக்கள் என அனைத்து வகை நிகழ்ச்சிகளுக்கும் பெரும் ரசிகர் வட்டம் இருக்கிறது. இன்னும் சொல்ல போனால் ரியாலிட்டி ஷோக்களை வித்தியாசமான கான்செப்ட்டில் சுவாரசியமாக கொடுத்து ரசிகர்களுக்கு விருந்து படைப்பதில் முதலிடம் ஸ்டார் விஜய் டிவி-க்கு தான்.

விஜய் டிவி-யில் சூப்பர் ஹிட் சீரியல்களில் ஒன்றாக இருந்து கொண்டிருக்கிறது பாரதி கண்ணம்மா. இந்த சீரியல் மக்களிடையே பிரபலமாக முக்கிய காரணம் இதில் முன்பு கண்ணம்மாவாக நடித்த நடிகை ரோஷினி ஹரிபிரியன் தான். தற்போது கண்ணம்மா கேரக்ட்ரில் நடிகை வினுஷா தேவி நடித்து வருகிறார். இந்த சீரியாலில் ஹீரோயினுக்கு அடுத்து முக்கியத்துவம் வாய்ந்த வில்லி வெண்பா ரோலில் நடிப்பவர் நடிகை மற்றும் விஜே-வான ஃபரீனா ஆசாத்.



பாரதி கண்ணம்மா ரசிகர்களிடம் வெண்பா திட்டு வாங்காமல் இருப்பதே கிடையாது. அந்த அளவிற்கு வில்லத்தனத்தில் மிரட்டி வருகிறார் ஃபரீனா ஆசாத். விஜய் டிவி-யில் சின்னத்திரை கலைஞர்களுக்கான விஜய் டெலிஅவார்ட்ஸ் விருது விழா விரைவில் நடக்க போகிறது. இதன் ஒரு பகுதியாக விஜயின் "தானைத் தலைவி" என்ற பெயரில் சேனலில் ஒளிபரப்பாகி வரும் சீரியல்களின் நடிகைகள் பங்கு பெற்ற ஒரு ஷோ நடந்துள்ளது. இந்த ஷோ ஏப்ரல் 3-ம் தேதி ஞாயிறு மதியம் 3 மணிக்கு ஒளிப்பரப்பாக உள்ளது. இது தொடர்பான ப்ரமோ வீடியோக்கள் வரிசையாக வெளியாகி வருகின்றன.

Also Read : பப்ளியா இருந்த நான் ஒல்லியானது இப்படித்தான் - லாஸ்லியா சொன்ன ரகசியம்.!

தானை தலைவி-யின் லேட்டஸ்ட் ப்ரமோவில் பாரதி கண்ணம்மா வெண்பா (ஃபரீனா ஆசாத்) மற்றும் அவரது தாய் பேசும் காட்சிகள் இடம்பெற்றுள்ளன. வில்லியாக நடிப்பது பற்றி பேசிய ஃபரீனா ஆசாத், தான் நெகட்டிவ் ரோலில் நடிப்பதால் என்னை பற்றிய நெகட்டிவ் கமெண்ட்ஸ்கள் நிறைய வந்துள்ளது. அதையும் தண்டி நான் கர்ப்பமாக இருந்த போதும் வெண்பா ரோலில் தொடர்ந்து நடித்ததால், என்னுடன் சேர்த்து என் குழந்தையையும் நிறைய பேர் திட்டுவார்கள் என்று தனது வேதனையை பகிர்ந்து கொண்டார்.



தொடர்ந்து பேசிய ஃபரீனாவின் தாய், என் மகள் வெளியே வரும் போது அவளை சீரியலில் நடிக்கும் கேரக்டராக பார்க்காமல் பாசிட்டிவ்வாக ஊக்கப்படுத்துங்கள். ஒரு தாயாக இதை தான் நான் ரசிகர்களிடம் கேட்டு கொள்கிறேன் என்று குறிப்பிட்டார். இந்த வீடியோவை பார்த்த பல ரசிகர்கள் சீரியலை வெறும் சீரியலாக பார்த்தால் இது போன்ற சங்கடங்களை நடிகர்கள் எதிர்கொள்ள நேரிடாது என்று கருத்து தெரிவித்து வருகின்றனர்.
Published by:Selvi M
First published:

Tags: Bharathi Kannama, TV actress

அடுத்த செய்தி