அரசியல் நாடகங்களை தோலுரிக்கும் ‘மூக்குத்தி அம்மன்’ - சீமான் பாராட்டு

அரசியல் நாடகங்களை தோலுரிக்கும் ‘மூக்குத்தி அம்மன்’ - சீமான் பாராட்டு

சீமான் | மூக்குத்தி அம்மன்

‘மூக்குத்தி அம்மன்’ திரைப்படத்தைப் பார்த்து ரசித்த சீமான் படக்குழுவுக்கு பாராட்டு தெரிவித்துள்ளார்.

  • Share this:
ஆர்.ஜே.பாலாஜி, என்.ஜே.சரவணன் இணைந்து இயக்கியுள்ள படம் மூக்குத்தி அம்மன். இதில் ஆர்.ஜே.பாலாஜி, நயன்தாரா, ஊர்வசி, ஸ்மிருதி வெங்கட், இந்துஜா உள்ளிட்டோர் நடித்துள்ளனர்.

எல்.கே.ஜி படத்தைத் தொடர்ந்து இந்தப் படத்தையும் வேல்ஸ் ஃபிலிம் இண்டர்நேஷனல் நிறுவனம் தயாரித்துள்ளது. நிஜ கடவுளுக்கும், மனிதனால் உருவாக்கப்பட்ட கடவுளுக்கும் இடையே நடக்கும் போராட்டத்தை கதையாக உருவாக்கி சமகால அரசியல் பிரச்னைகளையும் அதில் சேர்த்து நகைச்சுவை கலந்து ‘மூக்குத்தி அம்மனாக’ படைத்துள்ளனர் படக்குழுவினர்.

தீபாவளியை முன்னிட்டு ஓடிடி தளத்தில் வெளியான இத்திரைப்படம் ரசிகர்களிடையே நல்ல வரவேற்பைப் பெற்றுள்ளது. இந்நிலையில் நாம் தமிழர் கட்சியின் தலைமை ஒருங்கிணைப்பாளரும், திரைப்பட இயக்குநருமான சீமான் ‘மூக்குத்தி அம்மன்’ படத்தை தான் வெகுவாக ரசித்ததாகவும் படக்குழுவை பாராட்டியும் ட்வீட் செய்துள்ளார்.

அவரது ட்விட்டர் பதிவில் கூறியுள்ளதாவது, “மதத்தின் பெயரால் சமகாலத்தில் நிகழும் கொடுமைகளையும், மதத்தைக் கொண்டு மக்களைப் பிரித்து வாக்குவேட்டையாட முற்படும் அரசியல் நாடகங்களையும் தோலுரிக்கும் #மூக்குத்தி_அம்மன் திரைப்படம் கண்டு வெகுவாக ரசித்தேன்.

மக்களை விழிப்பூட்டி எழச்செய்யும் வகையில் சமூகக்கருத்துக்களை நகைச்சுவையோடு தந்திருக்கிற இயக்குநர்கள் ஆர்.ஜே.பாலாஜி, என்.ஜே. சரவணன் மற்றும் படக்குழுவினருக்கு என்னுடைய வாழ்த்துகளையும், பாராட்டுக்களையும் தெரிவித்துக் கொள்கிறேன்.” இவ்வாறு சீமான் தனது பதிவில் தெரிவித்துள்ளார்.



சீமானின் பாராட்டுக்கு இயக்குநரும் நடிகருமான ஆர்.ஜே.பாலாஜி நன்றி தெரிவித்துள்ளார்.



நாடு முழுவதும் பரவும் கொரோனா குறித்த தற்போதைய விரிவான தகவல்கள்
Published by:Sheik Hanifah
First published: