Home /News /entertainment /

தனுஷின் ‘ரவுடிபேபி’ படைத்த மெகா சாதனை!

தனுஷின் ‘ரவுடிபேபி’ படைத்த மெகா சாதனை!

ரவுடி பேபி பாடலில் தனுஷ், சாய் பல்லவி

ரவுடி பேபி பாடலில் தனுஷ், சாய் பல்லவி

தென்னிந்திய மொழிகளில் வெளியான பாடல்களிலேயே அதிக பார்வைகளைப் பெற்று ‘ரவுடி பேபி’ பாடல் சாதனை படைத்துள்ளது.

மாரி படத்தின் இரண்டாவது பாகமாக வெளியான படம் மாரி 2. பாலாஜி மோகன் இயக்கத்தில் தனுஷ், சாய்பல்லவி ரோபோ சங்கர் உள்ளிட்டோர் நடித்திருந்த இந்தப் படம் 2018-ம் ஆண்டின் இறுதியில் வெளியானது.

யுவன் சங்கர் ராஜா இசையில் வெளியான படத்தின் பாடல்கள் ரசிகர்களிடையே நல்ல வரவேற்பைப் பெற்றது.அதில், ரவுடி பேபி பாடலை தனுஷ் எழுதி பாடியிருந்தார். இந்தப் பாடலுக்கு இயக்குநரும், நடிகருமான பிரபுதேவா நடனம் அமைத்திருந்தார். இந்தப் பாடலில் தனுஷின் நடனத்தைவிட சாய் பல்லவியின் நடனம் ரசிகர்களைக் கவரும் வண்ணம் அமைக்கப்பட்டிருந்தது.

‘மாரி 2’ படம் வெளியான சில நாட்களிலேயே ரவுடி பேபி பாடலின் வீடியோவை யூடியூப் பக்கத்தில் படக்குழுவினர் வெளியிட்டனர். இணையத்தில் வைராலான இந்தப் பாடல் பில்போர்ட் இசைப்பட்டியலிலும் இடம்பெற்று புதிய சாதனை படைத்தது.

மேலும் இந்தப் பாடல் வெளியான 16 நாட்களில் 100 மில்லியன் பார்வைகளையும் 41 நாட்களில் 200 மில்லியன் பார்வைகளையும், 69 நாட்களில் 300 மில்லியன் பார்வைகளையும், 104 நாட்களில் 400 மில்லியன் பார்வைகளையும் 157 நாட்களில் 500 மில்லியன் பார்வைகளையும் பெற்றுள்ளது. இதன் மூலம் தென்னிந்திய மொழிகளில் வெளியான பாடல்களிலேயே அதிக பார்வைகளைப் பெற்றுள்ளது ரவுடி பேபி பாடல்.

இதுகுறித்து வொண்டர்பார் நிறுவனம் தனது ட்விட்டர் பதிவில், “எங்களுடைய ரவுடி பேபி நீங்கள் காட்டிய அன்பால் பேச்சின்றி திகைத்துப் போய் இருக்கிறோம்” என்று தெரிவித்துள்ளது.



வீடியோ பார்க்க: 76-வது பிறந்தநாளை கொண்டாடும் இசைஞானி இளையராஜா! சிறப்புத் தொகுப்பு

Published by:Sheik Hanifah
First published:

Tags: Actor dhanush, Maari 2, Rowdy Baby song

அடுத்த செய்தி