Home » News » Entertainment » RAJINIKANTH ANNAATTHE RELEASE IN 2021 DIWALI SUN PICTURES MSB

ரஜினிகாந்தின் ‘அண்ணாத்த’ ரிலீஸ் தேதி அறிவிப்பு

ரஜினிகாந்தின் ‘அண்ணாத்த’ திரைப்படத்தின் ரிலீஸ் தேதியை சன் பிக்சர்ஸ் அறிவித்துள்ளது.

ரஜினிகாந்தின் ‘அண்ணாத்த’ ரிலீஸ் தேதி அறிவிப்பு
அண்ணாத்த
  • Share this:
‘தர்பார்’ படத்தை அடுத்து சிறுத்தை சிவா இயக்கத்தில் சன் பிக்சர்ஸ் தயாரிக்கும் ‘அண்ணாத்த’ படத்தில் நடித்து வருகிறார் ரஜினிகாந்த். அவருடன் நயன்தாரா, குஷ்பு, மீனா, கீர்த்தி சுரேஷ், சூரி, சதீஷ் உள்ளிட்டோர் நடித்து வருகிறார்கள். வெற்றி ஒளிப்பதிவு செய்யும் இந்தப் படத்துக்கு டி.இமான் இசையமைக்கிறார்.

கொரோனா அச்சுறுத்தலால் நிறுத்தி வைக்கப்பட்டிருந்த இத்திரைப்படத்தின் படப்பிடிப்பு டிசம்பர் 14-ம் தேதி முதல் மீண்டும் தொடங்கியது. இதற்காக நடிகர் ரஜினிகாந்த், நயன்தாரா உள்ளிட்ட படக்குழுவினர் டிசம்பர் 13-ம் தேதி சென்னையிலிருந்து தனி விமானம் மூலம் ஹைதராபாத் புறப்பட்டுச் சென்றனர்.

ஒருவாரத்துக்கும் மேலாக அங்கு படப்பிடிப்பு நடந்து வந்த நிலையில் டிசம்பர் 23-ம் தேதி படக்குழுவில் இருந்த 4 பேருக்கு கொரோனா தொற்று உறுதி செய்யப்பட்டது. இதையடுத்து ரஜினிக்கு கொரோனா பரிசோதனை செய்யப்பட்டு முடிவில் தொற்று இல்லை என்பது உறுதியானது. இருந்தாலும் அவரது ரத்த அழுத்தம் சீராக இல்லாத காரணத்தால் ஹைதராபாத் அப்போலோ மருத்துவமனையில் அனுமதிக்கப்பட்டு இரண்டு நாள்கள் சிகிச்சை பெற்று சென்னை திரும்பினார் ரஜினிகாந்த். அதைத்தொடர்ந்து தான் அரசியலுக்கு வரப்போவதில்லை என்றும அறிவித்தார்.


இந்த நிலையில் ‘அண்ணாத்த’ படப்பிடிப்பு 6 மாதங்களுக்கு தள்ளி வைக்கப்பட்டுள்ளதாக தகவல் வெளியாகின. தமிழகத்தில் மே மாதம் சட்டமன்ற தேர்தல் நடைபெறும் என்று எதிர்பார்க்கப்படும் நிலையில் தேர்தல் முடிந்தவுடன் ஜூன் அல்லது ஜூலை மாதத்தில் தான் ‘அண்ணாத்த’ படத்தின் அடுத்தகட்ட படப்பிடிப்பு தொடங்கப்படும் என தெரிகிறது.



இந்நிலையில் அண்ணாத்த திரைப்படம் 2021-ம் ஆண்டு தீபாவளியை முன்னிட்டு நவம்பர் 4-ம் தேதி வெளியாகும் என தயாரிப்பு நிறுவனம் அதிகாரப்பூர்வமாக அறிவித்துள்ளது. இச்செய்தி ரஜினி ரசிகர்களுக்கு மகிழ்ச்சியாக அமையும் என்பதில் மாற்றுக்கருத்தில்லை.
First published: January 25, 2021
மேலும் பார்க்க
அடுத்து செய்திகள்

Top Stories