• HOME
  • »
  • NEWS
  • »
  • entertainment
  • »
  • கஜா புயலால் வீடு இழந்தவர்களுக்கு 50 வீடுகள் கட்டித் தருவேன்: உதவிக்கரம் நீட்டும் லாரன்ஸ்

கஜா புயலால் வீடு இழந்தவர்களுக்கு 50 வீடுகள் கட்டித் தருவேன்: உதவிக்கரம் நீட்டும் லாரன்ஸ்

(Facebook/Raghava Lawrence)

(Facebook/Raghava Lawrence)

Raghava Lawrence Announced 50 New Houses For Kaja Cyclone Affected People | கஜா புயலால் வீடுகளை இழந்து தவிப்பவர்களில், 50 பேருக்கு புதிய வீடுகள் கட்டித் தருவேன் என்று நடிகர் ராகவா லாரன்ஸ் பேஸ்புக் பக்கத்தில் தெரிவித்து இருக்கிறார். #CycloneKaja #KajaStorm

  • News18
  • Last Updated :
  • Share this:
    கஜா புயலால் வீடுகளை இழந்து தவிப்பவர்களில் 50 பேருக்கு புதிய வீடுகள் கட்டித் தருவேன் என்று நடிகர் ராகவா லாரன்ஸ் தனது ஃபேஸ்புக் பக்கத்தில் தெரிவித்திருக்கிறார்.

    கடந்த 15-ம் தேதி கஜா புயலின் கோரத்தாண்டவத்தால் காவிரி டெல்டா மாவட்டங்கள் கடுமையான பதிப்புக்கு உள்ளாகின. ஏராளமான மக்கள் தங்கள் வீடுகள் மற்றும் உடமைகளை இழந்தனர். பெரும்பாலான இடங்களில் நிவாரணப் பொருட்கள் இன்னும் சென்று சேராததால், குடிக்க தண்ணீர்கூடக் கிடைக்காமல் தவித்து வருகின்றனர். இந்நிலையில், கஜா புயலால் வீடுகளை இழந்து தவிப்பவர்களில், 50 பேருக்கு புதிய வீடுகள் கட்டித் தருவேன் என்று நடிகர் ராகவா லாரன்ஸ் ஃபேஸ்புக் பக்கத்தில் தெரிவித்து இருக்கிறார்.

    நடிகர் ராகவா லாரன்ஸ் தனது ஃபேஸ்புக் பக்கத்தில், “Hai friends and Fan's, கஜா புயலால் பாதிக்கப்பட்டு வீடு இழந்த நமது விவசாயிகளுக்கு ஐம்பது வீடுகள் கட்டி கொடுக்க முடிவு செய்துள்ளேன். உங்கள் எல்லோருடைய ஆசீர்வாதம் தேவை....! கஜா புயல் பாதித்த ஏழு மாவட்ட மக்கள் படும் வேதனையையும் துயரத்தையும் பார்க்கும் போது வேதனை அடைந்தேன்.
    எவ்வளவோ நல்ல உள்ளம் உள்ளவர்களும், அரசாங்கமும் நிவாரணப் பணிகளில் ஈடுபட்டுக் கொண்டிருக்கிறார்கள்.

    அவர்களுக்கும் அவர்களது நல்ல உள்ளங்களுக்கும் தலை வணங்குகிறேன். ஒரு தனியார் தொலைக்காட்சியில் ஒரு வீடு முற்றிலும் இடிந்து விழுந்து நிர்கதியாய் ஒரு குடும்பம் பற்றி பார்த்தேன். வேதனை அடைந்து விட்டேன். அந்த குடிசை வீடு அழகாக கட்டித்தர எவ்வளவு ஆகும். மிஞ்சிப் போனால் ஒரு லட்சம் ஆகும். அந்த வீடு மட்டுமில்லை. இது மாதிரி இடிந்து முற்றிலும் பாதிக்கப்பட்ட 50 வீடுகளை கட்டித் தர உள்ளேன். அப்படி பாதிக்கப்பட்டவர்கள் எங்களை தொடர்பு கொண்டால் நானே நேரிடையாக பாதிக்கப்பட்ட பகுதிக்கு சென்று வீடு கட்டித் தந்து அவர்கள் வாழ்வுக்கு நிரந்தர தீர்வு ஏற்படுத்த உள்ளேன்.

    ஏழையின் சிரிப்பில் இறைவனைக் காண்போம் என்பார்கள். நான் அவர்கள் மூலம் இறைவனைக் காண முயற்சி செய்கிறேன். ஒரு தனியார் தொலைகாட்சியும் இந்த விஷயத்தில் எங்களுடன் இணைந்து சில ஆலோசனைகளை வழங்கி வருகிறார்கள். அன்பு பத்திரிக்கை நண்பர்களுக்கும் ஒரு வேண்டுகோள். உங்கள் பார்வைக்கு இது மாதிரி பாதிக்கப்பட்டவர்கள் பற்றி ஏதாவது தகவல் வந்தாலும் எங்களிடம் தெரிவிக்கவும்.” என்று லாரன்ஸ் பதிவிட்டுள்ளார்.



     

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Murugesan L
    First published: