Home /News /entertainment /

சீரியல் வரலாற்றில் முதல் முறை : கலாய்த்து தள்ளும் நெட்டிசன்கள்

சீரியல் வரலாற்றில் முதல் முறை : கலாய்த்து தள்ளும் நெட்டிசன்கள்

Muthazhagu serial : பெரும்பாலான சீரியல்களில் வருவது போலவே விருப்பமில்லாமல் தான் கதையின் நாயகன் மற்றும் நாயகி திருமணம் செய்து கொள்கிறார்கள்.

Muthazhagu serial : பெரும்பாலான சீரியல்களில் வருவது போலவே விருப்பமில்லாமல் தான் கதையின் நாயகன் மற்றும் நாயகி திருமணம் செய்து கொள்கிறார்கள்.

Muthazhagu serial : பெரும்பாலான சீரியல்களில் வருவது போலவே விருப்பமில்லாமல் தான் கதையின் நாயகன் மற்றும் நாயகி திருமணம் செய்து கொள்கிறார்கள்.

பல சேனல்களில் ஒரு நாளைக்கு குறைந்த பட்சம் 10 – 15 சீரியலாவது ஒளிபரப்பாகி வருகிறது. எனவே, சீரியல்களுக்கு இடையே கடுமையான போட்டி மற்றும் பந்தயம் கடுமையாக நிலவி வருகிறது.  சமீபத்தில் விஜய் டிவியில் ஒளிபரப்பான ஒரு சில சீரியல்கள் கடுமையான பின்னடைவையும் சந்தித்துள்ளது. எனவே எப்படியாவது எதையாவது மாற்றி சீரியலில் புதுமையை கொண்டு வந்து ரசிகர்களிடையே வெற்றி பெற வைக்க வேண்டும் என்ற முனைப்பு அனைவரிடமும் இருக்கிறது.

அந்த வரிசையில் முத்தழகு என்ற விஜய் டிவியின் புதிய சீரியல் ஒன்று இடம்பெற்றுள்ளது. இந்த சீரியல் சில வாரங்களுக்கு முன் விஜய் டிவியில் ஒளிபரப்பாகத் தொடங்கியது. விவசாயம், கஷ்டப்படும் ஆனால் தைரியமான கிராமத்துப் பெண், பணக்கார ஹீரோ, என்ற கதைக்களத்தை அடிப்படையாக சீரியல் ஒளிபரப்பாகி வருகிறது. முத்தழகு சீரியலின் முதல் புரோமோவிலேயே கிராபிக்ஸ் காளை மாடு வைத்து விவசாயம் செய்யும் காட்சிகள் இருந்தன. அதுவே, பயங்கரமாகக் கிண்டல் செய்யப்பட்டது. தற்பொழுது சில வாரங்களுக்குப் பிறகு மீண்டும் நெட்டிசன்கள் மத்தியில் அதிகமாக கேலிக்கு உள்ளாகி இருக்கிறது முத்தழகு சீரியல் புதிய புரோமோ.

ஏற்கனவே பெரிதாக வரவேற்பு இல்லை, மிகக் குறைந்த அளவிலேயே பார்வையாளர்களை பெற்றுள்ளது. எனவே பெரிய மாற்றம் செய்தால் ரசிகர்களை கவனத்தை ஈர்க்க முடியும் என்ற முனைப்பில் வேடிக்கையான ஒரு விஷயத்தை செய்யப் போய் அது மீண்டும் ஒரு கேலிப் பொருளாக மாறியுள்ளது. தற்போது வெளியான புரோமோ சோஷியல் மீடியாவில் அனைவராலும் பகிரப்பட்டு கேலி ட்ரோல் செய்யப்பட்டு வருகிறது. இந்த மாற்றம் சீரியல் வரலாற்றிலேயே முதல் முறையாக நடந்துள்ளது.

இதையும் படியுங்கள் : பர்தா விவகாரத்தில் சீரியல் நடிகையிடம் தீர்வு கேட்ட ரசிகர்.. அதற்கு அவர் சொன்ன பதில் இருக்கே!

பெரும்பாலான சீரியல்களில் வருவது போலவே விருப்பமில்லாமல் தான் கதையின் நாயகன் மற்றும் நாயகி திருமணம் செய்து கொள்கிறார்கள். அதேபோல சீரியல்களில் ஒரு வயதான கதாபாத்திரம் இருக்கும். அந்த பாத்திரம் இவர்கள் இருவரையும் எப்படியாவது சேர்க்க வேண்டும் என்ற முயற்சியில் ஈடுபடும். பல திரைப்படங்களிலும் இதே போன்ற காட்சிகளை பார்த்திருப்போம். அதே போல, ஹீரோயினை வழுக்கி விழச்செய்து ஹீரோ உதவி செய்யும் காட்சிகள் இருக்கும். ஹீரோ வந்து உதவும் போது, இருவருக்கும் இடையே நெருக்கம் உண்டாகும், வேறுபாடுகளை மறந்து சேர்ந்து வாழத் துவங்குவர் மேலும், ஒரே அறைக்குள் பூட்டி வைப்பது, எதேனும் ஆபத்தில் சிக்க வைப்பது போல சூழ்நிலையை ஏற்படுத்தி, ஹீரோ வந்து காப்பாற்றுவார் என்பவை உள்ளிட்ட இதேபோன்ற காட்சிகள் ஹீரோ ஹீரோயின் நெருக்கத்தை அதிகரிக்கும் வகையில் அமைக்கப்பட்டிருக்கும்.

 



அதையே, ஜெண்டர் ரிவர்சைப் பின்பற்றி, விஜய் டிவியின் முத்தழகு சீரியலில் கையாளப்பட்டிருக்கிறது. இதை தான் பார்வையாளர்கள் கிண்டல் செய்து வருகிறார்கள்.



முத்தழகு சீரியலில் வரும் பாட்டியும் முத்தழகு வரும் வழியில் முள்ளைப்போட்டு விடுகிறார். இதனால் முத்தழகுக்கு காயில் காலில் காயம் ஏற்பட்டு ஹீரோ அவருக்கு உதவுவார், இருவருக்கும் நெருக்கமும் அதிகரிக்கும் என்ற எண்ணத்தில் அதைப் போன்ற ஒரு காட்சி வைக்கப்பட்டு இருக்கிறது. ஆனால் டைரக்டர் அதில் மிகப்பெரிய ட்விஸ்ட் வைப்பதாக நினைத்து வேறுவிதமான காட்சிகளை அமைத்துள்ளார். டிவிஸ்ட்டின் படி, ஹீரோவின் காலில் முள்குத்தி விடுகிறது. வழக்கமாக ஹீரோ தான் ஹீரோயினை தூக்கிச் சொல்வார். ஆனால் இதில் ஹீரோயின் ஹீரோவை தூக்கி செல்லும் காட்சிகள் நெட்டிசன்களால் பயங்கரமாக கேலி செய்யப்பட்டு வருகிறது. அந்த புரோமோ வீடியோ இங்கே.

இதையும் படியுங்கள் : புத்தகங்கள் வைக்க கூட இடமில்லை.. ரசிகர்களுக்கு வாழும் வீட்டை காட்டிய அறந்தாங்கி நிஷா

ஹீரோவை மலைக்கோவிலுக்கு தூக்கிச் சென்று ஏறுகிறார் என்பது தான் மிகவும் வேடிக்கையானதாக இருக்கிறது. அது மட்டுமின்றி, பாட்டி வைத்த முள் மிகவும் லேசாக இருக்கிறது. முள் குத்தி, லேசாக ரத்தம் வருவது போல கூட காட்சிகள் இல்லை. எதற்கு இவ்வளவு பில்டப் என்ற ரீதியில் நெட்டிசன்கள் கலாய்த்துத் தள்ளியுள்ளனர்.
Published by:Sankaravadivoo G
First published:

Tags: TV Serial

அடுத்த செய்தி