Thuppakki - 2: துப்பாக்கி இரண்டாம் பாகத்தில் கவனம் செலுத்தும் முருகதாஸ்!

விஜய் படத்தை இயக்குவதற்கான வாய்ப்பு தள்ளிப்போன நிலையில், துப்பாக்கி படத்தின் இரண்டாம் பாகத்தை தூசிதட்டுகிறார் முருகதாஸ்.

விஜய் நடிப்பில் முருகதாஸ் இயக்கிய முதல் படம், துப்பாக்கி. முருகதாஸின் திரைவாழ்க்கையில் துப்பாக்கி முக்கிய படமாக அமைந்தது. ரமணா, கஜினியைவிட கச்சிதமான கதையும், திரைக்கதையும், பாடல்களும், சண்டைக் காட்சிகளும் துப்பாக்கியில் இயல்பாக அமைந்திருந்தன. 

அதனைத் தொடர்ந்து கத்தி, சர்க்கார் படங்களை முருகதாஸ் இயக்கினார். இந்த இரு படங்களும் கதைத் திருட்டு சர்ச்சையில் சிக்கின. சர்க்கார் படப்பிரச்சனை நீதிமன்றம்வரைச் சென்று முருகதாஸின் இமேஜை பெருமளவு டேமேஜ் செய்தது. முருகதாஸின் கடைசிப் படம் தர்பாரும் சரியாகப் போகவில்லை. வணிகரீதியாக ஓகே என்றாலும், படைப்புரீதியாக படம் யாரையும் கவரவில்லை. 

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

தர்பாருக்கு அடுத்து விஜய்யை இயக்குவதாகத்தான் இருந்தார் முருகதாஸ். ஆனால், அவர் சொன்ன கதை விஜய்க்கு திருப்தியாக அமையவில்லை. நெல்சன் திலீப்குமாருக்கு கால்ஷீட் தந்தார். இதன் பிறகே முருகதாஸ் ராமை இயக்குகிறார் இல்லை கமல், மகேஷ்பாபு இருவரை வைத்து இயக்குகிறார் என்றெல்லாம் செய்திகள் வந்தன. ஆனால், முருகதாஸ் துப்பாக்கி படத்தின் இரண்டாம் பாகத்தை எழுதுவதில் பிஸியாக இருப்பதாக அவருக்கு நெருக்கமான வட்டாரங்கள் தெரிவிக்கின்றன. 

Also read... Samuthirakani: பாலிவுட்டிற்குச் செல்லும் சமுத்திரக்கனி படம்!

இந்த இரண்டாம் பாகத்தை விஜய்க்கு ஏற்றபடி இல்லாமல் கமலுக்குப் பொருந்தும்படி அவர் எழுதி வருவதாகவும் கூறப்படுகிறது. இன்னும் சில வாரங்களில் முருகதாஸின் அடுத்தப்பட ஹீரோ யார், துப்பாக்கி இரண்டாம் பாகத்தின் நிலை என்ன என்பது அதிகாரப்பூர்வமாக தெரியவரலாம்.

உடனுக்குடனான செய்திகளுக்கு இணைந்திருங்கள்.