பா.ஜ.கவுக்கு ஆதரவாக ரஜினி பேசுவதால் வருமான வரித்துறை விலக்கு அளித்திருக்கலாம்...! கருணாஸ் பேச்சு

பா.ஜ.கவுக்கு ஆதரவாக ரஜினி பேசுவதால் வருமான வரித்துறை விலக்கு அளித்திருக்கலாம்...! கருணாஸ் பேச்சு
கருணாஸ் எம்.எல்.ஏ
  • News18
  • Last Updated: February 11, 2020, 11:41 AM IST
  • Share this:
நடிகர் ரஜினி பா.ஜ.கவிற்கு ஆதரவான கருத்துகளை பேசி வருவதால் கூட வருமான வரித்துறை அவருக்கு விலக்கு அளித்திருக்கலாம் என்று கருணாஸ் தெரிவித்துள்ளார்.

திருவாடானை சட்டமன்ற உறுப்பினரும் முக்குலத்தோர் புலிப்படை தலைவருமான கருணாஸ் சென்னை கிரீன்வேஸ் சாலையில் உள்ள முதல்வர் இல்லத்தில் அவரை சந்தித்து பேசினார். பின்னர் செய்தியாளர்களை சந்தித்த அவர், காவிரி டெல்டா பகுதிகளை பாதுகாக்கப்பட்ட சிறப்பு வேளாண் மண்டலமாக அறிவித்த முதலமைச்சர் பழனிசாமியை அவரது இல்லத்தில் சந்தித்து நன்றி தெரிவித்ததோடு, இதனை சட்டப்பேரவையில் தீர்மானமாக நிறைவேற்றிடவும் கோரிக்கை வைத்துள்ளதாகவும் தெரிவித்தார்.

மேலும், ஹைட்ரோ கார்பன், மீத்தேன் போன்ற திட்டங்களை எதிர்த்து பல கட்டங்களாக போராடிவந்த விவசாயிகள் மீது பதியப்பட்டுள்ள வழக்குகளை திரும்பப்பெற வேண்டும் எனத் தெரிவித்த அவர், நீராவி கரிசல்குளத்தைச் சேர்ந்த 15 பேர் கடந்த 16 ஆண்டுகளாக சிறையில் இருந்து வருவதாகவும், வயது மூப்பை கருத்தில் கொண்டு கருணை அடிப்படையில் முன்னாள் முதல்வர் ஜெயலலிதா பிறந்தநாளன்று அவர்களை விடுவிக்க ஆவன செய்ய வேண்டும் என்ற கோரிக்கையையும் முன்வைத்துள்ளதாகவும் தெரிவித்தார்.


தொடர்ந்து பேசிய கருணாஸ் 7 பேர் விடுதலை குறித்து ஆளுநர் முடிவெடுக்கலாம் என நீதிமன்றம் தீர்ப்பளித்த பின்னரும் ஆளுநர் முடிவெடுக்க தயக்கம் காட்டுவது ஏன் என கேள்வி எழுப்பிய அவர், அரசியல் தலையீடு இன்றி இந்த விவகாரத்தில் ஆளுநர் முடிவெடுக்க வேண்டும் என வலியுறுத்தினார்.

மேலும், நடிகர் ரஜினி பா.ஜ.க விற்கு ஆதரவான கருத்துகளை பேசி வருவதால் கூட வருமான வரித்துறை அவருக்கு விலக்கு அளித்திருக்கலாம் என தெரிவித்த கருணாஸ், படப்பிடிப்பு நடப்பதே தெரியாமல் இருந்த இடத்தில் விசாரணை என்ற பெயரில் வருமான வரித்துறை சென்றதால் தற்போது ஆயிரக்கணக்கானோர் அங்கு கூடி நடிகர் விஜயின் பலத்தை மத்திய மாநில அரசுகளுக்கு காட்டியுள்ளனர் எனவும் தெரிவித்தார்.

நடிகர் சங்க தேர்தல் தொடர்பாக நீதிமன்றம் அளித்த தீர்ப்பை எதிர்த்து ஏற்கனவே விஷால், கார்த்திக், பூச்சி முருகன் ஆகியோர் மேல்முறையீடு செய்துள்ளதாகவும் அதனை தொடர்ந்து தானும் இன்னும் இரண்டு நாட்களில் மேல்முறையீடு செய்யவுள்ளதாகவும் கருணாஸ் தெரிவித்தார்.அதுமட்டுமல்லாமல் ஐசரி கணேஷ் அரசாங்கத்தை தவறாக பயன்படுத்தி சில அமைச்சர்கள் மற்றும் அதிகாரிகளின் ஆதரவோடு எதையும் செய்து விடலாம் என்ற எண்ணத்தில் செயல்பட்டு வருவதாகவும், இந்த தவறான போக்கை தான் வன்மையாக கண்டிப்பதாகவும் தெரிவித்தார்.

மேலும், டெல்லி அரசியல் முடிவுகளில் ஆச்சரியம் ஏதுமில்லை என தெரிவித்த அவர், மக்கள் நலனில் அக்கரையோடு அடிப்படைத் தேவைகள் அனைத்தையும் இலவசமாக்கி அதனால் அவர்கள் முழுவதுமாக பயனடையும் பட்சத்தில் எத்தகைய கட்சியோ அதிகாரமோ மக்கள் மக்கள் மனதை கலைக்க முடியாது எனவும் மக்கள் தீர்ப்பே மகேசன் தீர்ப்பு என்பதற்கு இது ஒரு சான்று எனவும் கருணாஸ் கூறினார்.

Also see...
First published: February 11, 2020
மேலும் பார்க்க
அடுத்து செய்திகள்

Top Stories

corona virus btn
corona virus btn
Loading