Vikram Movie : ''50 வருஷத்தில் இதுதான் முதல்முறை''.. ஹை ஸ்கூல் ரீயூனியன் போல உணர்கிறேன் - விக்ரம் முதல்நாள் படப்பிடிப்பு பற்றி கமல் நெகிழ்ச்சி

விக்ரம் முதல் நாள் படப்பிடிப்பு

விக்ரம் படத்தின் படப்பிடிப்பு தொடங்கிய நிலையில் முதல்நாள் படப்பிடிப்பு அனுபவத்தை பற்றி நடிகர் கமல்ஹாசன் ட்வீட் செய்துள்ளார்.

  • Share this:
    விக்ரம் படத்தின் படப்பிடிப்பு நேற்று தொடங்கியது. லோகேஷ் கனகராஜ் இயக்கும் இந்தப் படத்தின் முதல்நாள் படப்பிடிப்பில் கமல், விஜய் சேதுபதி கலந்து கொண்டனர்.

    இந்தியன் 2 பாதியில் நிற்க, ஷங்கர் தெலுங்குப் படத்திலும், கமல் விக்ரம் படத்திலும் பிஸியாகிவிட்டனர். நேற்று விக்ரம் படத்தின் படப்பிடிப்பு தொடங்கியது. கமல், விஜய் சேதுபதி சம்பந்தப்பட்ட காட்சிகளை லோகேஷ் கனகராஜ் படமாக்கினார். க்ரிஷ் கங்காதரன் ஒளிப்பதிவு செய்தார். இந்தப் படத்தில் முக்கிய வேடத்தில் பகத் பாசில் நடிக்கிறார். அவர் சம்பந்தப்பட்ட காட்சிகள் பிறகு படமாக்கப்பட உள்ளன

    முதல்நாள் படப்பிடிப்பை முடித்த கமல் அது பற்றி பதிவிட்டுள்ளார்"முதல்நாள் விக்ரம் படப்பிடிப்பு. ஹை ஸ்கூல் ரீயூனியன் போல உணர்கிறேன். கடந்த 50 வருடங்களில் இதுதான் அதிககாலம் ஷுட்டிங் இல்லாமல் இருந்தது. நிறைய திரைப்பட இயக்குனர்கள் கடந்த ஒரு வருடமாக படப்பிடிப்பையே பார்க்கவில்லை" என கூறியுள்ளார்.

    Day one of VIKRAM. Felt like a High school reunion.

    In the past 50 years this is the longest I have been away from film shootings. Many film makers have not seen action for nearly a year. (1/2)https://t.co/WTM7mqHKia


    — Kamal Haasan (@ikamalhaasan) July 17, 2021

    அத்துடன், "ராஜ்கமல் இன்டர்நேஷனலில் பணிபுரிய என்னுடைய எல்லா தோழர்களையும் அழைக்கிறேன். முக்கியமாக லோகேஷ் கனகராஜ் அவரது உற்சாகமான டீம் மற்றும் என்னுடைய திறமைசாலிகளான சகோதரர்கள் விஜய் சேதுபதி, பகத் பாசில் ஆகியோரை அழைக்கிறேன்" என குறிப்பிட்டுள்ளார்

    Also Read: அடேங்கப்பா! இரு மொழிகளில் நடிக்க 25 கோடி சம்பளமா.. சிவகார்த்திகேயனின் அடுத்த பட அப்டேட்

    தேர்தல் பிரச்சாரத்தின் போது, இனிமேல் நான் முழுநேர அரசியல்வாதி என்று கூறி ரசிகர்களுக்கு அதிர்ச்சி அளித்தார் கமல்.  அவர் தேர்தலில் தோல்வியடைந்ததால் தொடர்ச்சியாக அவரை திரையில் பார்க்கிற வாய்ப்பு ரசிகர்களுக்கு கிடைத்திருக்கிறது. அடுத்து கமல் வெற்றிமாறன் இயக்கத்தில் நடிக்கயிருக்கிறார்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
    Published by:Tamilmalar Natarajan
    First published: