Home /News /entertainment /

பிரபல வில்லி நடிகை தேவிப்ரியாவின் கணவர் இவரா? முதன்முறையாக வெளியான புகைப்படம்!

பிரபல வில்லி நடிகை தேவிப்ரியாவின் கணவர் இவரா? முதன்முறையாக வெளியான புகைப்படம்!

dhevipriya

dhevipriya

Dhevipriya Husband? | 90-களில் பிறந்து விவரம் தெரிய வரும் வயதில், அதாவது 13, 14 வயதில் டிவி சீரியல் பார்க்க தொடங்கிய அனைவருக்குமே நடிகை தேவிப்பிரியா

    90-களில் பிறந்து விவரம் தெரிய வரும் வயதில், அதாவது 13, 14 வயதில் டிவி சீரியல் பார்க்க தொடங்கிய அனைவருக்குமே நடிகை தேவிப்பிரியா, மிகவும் பரீட்சியமான ஒரு முகமாகும். அப்போது மட்டுமல்ல இப்போதும் கூட இந்த 'சீனியர் டிவி ஆர்ட்டிஸ்ட்' எல்லோருக்கும் பரீட்சியம்!

    நடிகை தேவிப்பிரியா - ஒரு மதுரை பொண்ணு. ஆனால் சென்னையில் தான் வளர்ந்தார். தேவிப்பிரியா சென்னை கிண்டியில் உள்ள செல்லம்மாள் கல்லூரியில் கம்ப்யூட்டர் சயின்ஸ் பட்டப்படிப்பை படித்து முடித்த கையோடு மவுண்ட் ரோட்டில் இருந்த கம்ப்யூட்டர் பெரிஃபெரல் கம்பெனியில் வேலையில் சேர்ந்தார்

    தேவிப்பிரியாவிற்கு டிவி மீடியாவில் நுழைய வேண்டும் என்ற ஆசை இருந்ததால், வழக்கமான வேலையை செய்து கொண்டே ஓய்வு நேரத்தில் ஆடிஷன்களில் கலந்துகொள்வதிலும் ஆர்வம் காட்டி வந்தார். சினிமாவில் சிறுசிறு காதாபாத்திரங்களில் நடித்த பிறகு, சன் டிவியின் சூப்பர்ஹிட் நாடங்களில் ஒன்றான ‘சக்தி’ சீரியலில் நடிக்கும் வாய்ப்பை பெற்றார் தேவிப்பிரியா. அந்த நாடகத்தில் போதைக்கு அடிமையான ஒரு கல்லூரிப் பெண்ணாக நடித்து அசத்தி இருப்பார் தேவிப்பிரியா.

    பப்ளியா இருந்த நான் ஒல்லியானது இப்படித்தான் - லாஸ்லியா சொன்ன ரகசியம்.!


    சக்தி சீரியலின் வெற்றிக்கு பிறகு, தேவிப்பிரியாவிற்கு பல்வேறு டிவி சீரியல்களில் நடிக்கும் வாய்ப்பு கிடைத்தது. ஆனால் அவைகள் பெரும்பாலும் வில்லி கதாபாத்திரமாகவே இருந்தன. இப்படியாக தேவிப்பிரியா இதுவரை மொத்தம் 50-க்கும் மேற்பட்ட சீரியல்களில் நடித்து உள்ளார்.

    சீரியல்களில் நடிப்பதோடு தன் திறமையை நிறுத்திக்கொள்ளாமல், தேவிப்பிரியா விஜய் டிவியில் ஒளிபரப்பான பல்வேறு நடன நிகழ்ச்சிகளிலும் பங்கேற்றார். தேவிப்பிரியாவின் கேரியரில் இயக்குனர் பாரதிராஜா இயக்கத்தில் கலைஞர் டிவியில் ஒளிபரப்பான ‘தெக்கத்தி பொண்ணு’ சீரியல் மிகவும் முக்கிய பங்கு வகிக்கிறது. இடையில் சினிமாவில், அவ்வப்போது சிறுசிறு வேடங்களையும் ஏற்று நடித்தார்.

    தற்போது தேவிப்பிரியா, சன் டிவியில் ஒளிபரப்பாகும் 'பூவே பூச்சூடவா' மற்றும் ஜீ தமிழில் ஒளிபரப்பாகும் 'புதுப்புது அர்த்தங்கள்' ஆகிய சீரியல்களில் வில்லியாக நடித்து வருகிறார். புதுப்புது அர்த்தங்கள் சீரியலில் இவர் பிரபல சினிமா நடிகை தேவயானிக்கு வில்லியாக நடிக்கிறார்.




     

    சமீபத்தில் நடிகை தேவிப்பிரியா தன் கணவரின் பிறந்தநாளை முன்னிட்டு, அவருக்கு வாழ்த்து தெரிவிக்கும் வண்ணம், இன்ஸ்டாகிராம் வழியாக அவரின் சில புகைப்படத்தை பகிர்ந்துள்ளார். மொத்தம் 3 புகைப்படங்களை பகிர்ந்துள்ள தேவிப்பிரியா, போட்டோக்களுக்கு கேப்ஷனாக "இனிய பிறந்தநாள் நல்வாழ்த்துக்கள். என் வாழ்வின் மிகச் சிறந்த மகிழ்ச்சியான நிகழ்வு - நீங்கள் தான், இப்போதும்.. எப்போதுமே!" என்றும் எழுதி உள்ளார். தேவிப்பிரியாவால் ஷேர் செய்யப்பட்ட அனைத்து புகைப்படங்களுமே, இருவரும் எங்கோ சுற்றுலா சென்றபோது எடுக்கப்பட்டது போல் தெரிகிறது

    தேவிபிரியாவின் இந்த போஸ்டை பார்த்த அவரது ரசிகர்கள், அவரது கணவருக்கு பிறந்தநாள் வாழ்த்துக்களை கூறி வருகின்றனர். இன்ஸ்டாகிராமில் 1 லட்சத்திற்கும் மேலான ரசிகர்கள், நடிகை தேவிப்பிரியாவை ஃபாலோ செய்கிறார்கள் என்பதும் இங்கே குறிப்பிடத்தக்கது.
    Published by:Lilly Mary Kamala
    First published:

    Tags: Entertainment, Sun TV

    அடுத்த செய்தி