Exclusive: ரசிகர்களை கொண்டாட வைக்கும் பஞ்ச் டயலாக்... விஜய் 67 ப்ரமோவில் என்னென்ன இருக்கின்றன?

விஜய் நடித்து வரும் அவரது 67வது படத்தின் ப்ரமோ வீடியோவில் ரசிகர்களை கொண்டாட வைக்கும் வகையில் பஞ்ச் டயலாக் இடம்பெற்றுள்ளது. அத்துடன் அந்த ப்ரமோவில் இடம்பெறும் விஷயங்கள் குறித்து பார்க்கலாம்.

வாரிசு படத்தை தொடர்ந்து லோகேஷ் கனகராஜ் இயக்கும் படத்தில் விஜய் நடித்து வருகிறார். தளபதி 67 என்ற தற்காலிக பெயருடன் அந்த படப்பிடிப்பு நடைபெறுகிறது.

இந்தப் படத்திற்காக History of Violence படத்தின் உரிமையை முறையாக கைபற்றி அதில் சில மாற்றங்களை செய்து திரைக்கதை எழுத்தியுள்ளார் லோகேஷ் கனகராஜ். மேலும் தன்னுடைய முந்தைய படங்களின் தொடர்பான Lokesh Cinematic Universe கனெக்சனையும் தொடர்பு படுத்தியுள்ளார்.

விஜய் - லோகேஷ் கனகராஜ் கூட்டணியில் உருவாகும் இந்த திரைப்படத்தில் பாலிவுட் நடிகர் சஞ்சய் தத், அர்ஜுன், கௌதம் வாசுதே மேனன் மிஷ்கின், த்ரிஷா, பிரியா ஆனந்த் உள்ளிட்ட பல முன்னணி நட்சத்திரங்கள் நடிக்கின்றனர்.

விஜய் 67 படத்தின் அதிகாரப்பூர்வ அறிவிப்பை வெளியிட ஒரு ப்ரோமோ வீடியோவை லோகேஷ் கனகராஜ் சூட் செய்துள்ளார். காஷ்மீர், கொடைக்கானல், பிரசாத் ஸ்டூடியோ ஆகிய இடங்களில் அந்த ப்ரமோ வீடியோவின் படப்பிடிப்பு நடைபெற்றுள்ளது.

விஜய் 67 ப்ரமோவில் என்ன என்ன விஷயங்கள் இருக்கிறது என்பதை தெரிந்துகொள்ள விஜய் ரசிகர்கள் ஆர்வமுடன் உள்ளனர்.

இந்த நிலையில் அதில் உள்ள பிரத்யேக விஷயங்கள் நமக்கு கிடைத்துள்ளது. விஜய் ப்ரமோ வீடியோவில் மேஜை மேலே சாக்லெட்கள் வைக்கப்பட்டிருக்கும். அப்படியே கேமரா கீழே சென்றால் கத்திகள் இருக்கும் காட்சிகள் இடம்பெறுகின்றன. மேலும் அந்த கட்டடத்தை நோக்கி வெளியே இருந்து 100க்கும் மேற்பட்டவர்கள் ஓடி வருவது போன்ற காட்சிகள் இடம்பிடிக்கின்றன. அது அனிருத்தின் இசையுடன் மிரட்டலாக இருக்கும் என்று சினிமா துறையில் கூறுகின்றனர்.

விஜய் 67 படத்தின் ப்ரமோவின் இறுதியில் ஒரு பஞ்ச் வசனம் இடம்பெறுகிறது. அதிலும் கமல்ஹாசன் - லோகேஷ் கனகராஜ் கூட்டணியில் வெளியான விக்ரம் படத்தின் ப்ரமோவில் இடம்பெற்ற ஆரம்பிக்கலாங்களா? என்ற வசனம் போல் மாஸாக இருக்கும் என்றும் தெரிவிக்கிறார்கள்.

இந்த ப்ரமோ வீடியோ பிப்ரவரி முதல் வாரம் வெளியாகவுள்ளது. அது விஜய் ரசிகர்களின் கொண்டாட்டத்தை இரட்டிப்பாக்கும் என எதிர்பார்க்கலாம்.

Also read... TITLE WINNER அல்ல... TOTAL WINNER... பிக்பாஸ் விக்ரமன் குறித்து திருமாவளவன் நெகிழ்ச்சி!

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.