• HOME
  • »
  • NEWS
  • »
  • entertainment
  • »
  • விஜய் டிவி புகழ் சென்ற இடத்தில் நடந்த விபரீதம்

விஜய் டிவி புகழ் சென்ற இடத்தில் நடந்த விபரீதம்

குக்வித் கோமாளி புகழ்

குக்வித் கோமாளி புகழ்

செல்போன் கடை திறப்பு விழாவில் கலந்து கொண்ட விஜய் டிவி புகழைக் காண அதிக கூட்டம் கூடியதால் போலீசார் தடியடி நடத்தை கூட்டத்தைக் கலைத்தனர்.

  • Share this:
விஜய் டிவியின் குக் வித் கோமாளி நிகழ்ச்சி மூலம் பிரபலமானவர் புகழ். தற்போது விஜய் சேதுபதி, அருண் விஜய் ஆகியோரது படங்களில் நடித்து வருகிறார். இவரது நகைச்சுவைக்கெனவே மிகப்பெரிய ரசிகர்கள் பட்டாளமே இருக்கிறது.

இவர் மட்டுமின்றி குக்வித் கோமாளி நிகழ்ச்சியின் ஷிவாங்கி சிவகார்த்திகேயனின் டான் படத்தில் நடிக்கிறார். தர்ஷா குப்தா திரௌபதி பட இயக்குநரின் ருத்ரதாண்டவம் படத்தில் ஹீரோயினாக நடிக்கிறார். அதேபோல் பவித்ரா லட்சுமியும் ஏஜிஎஸ் என்டர்டெயின்மெண்ட் தயாரிக்கும் புதிய படத்தில் சதீஷுக்கு ஜோடியாக நடிக்க ஒப்பந்தம் செய்யப்பட்டுள்ளார்.

குக்வித் கோமாளி பிரபலங்களை மக்கள் கொண்டாடுவதால் அவர்களை கடைதிறப்பு விழா உள்ளிட்ட விளம்பரங்களுக்கு ஒரு சிலர் அழைக்கின்றனர். சாதாரணமாகவே தொலைக்காட்சி பிரபலங்கள் வெளியில் வந்தால் அவர்களைப் பார்க்கவே ஒரு கூட்டம் கூடும். அந்த வகையில் குக்வித் கோமாளி பிரபலங்கள் எங்கு சென்றாலும் அவர்களைப் பார்க்க ரசிகர்கள் கூடி விடுவார்கள். இந்நிலையில் நெல்லை வண்ணார்பேட்டையில் செல்போன் கடை திறப்பு விழாவிற்கு சிறப்பு விருந்தினராக சென்றுள்ளார் புகழ்.

தொலைக்காட்சி பிரபலம் என்பதால் அவரைப்பார்க்க அப்பகுதியில் ஏராளமானோர் கூடினர். அப்போது கூட்டத்தைக் கலைக்க போலீசார் தடியடி நடத்தினர். விதிமுறைகளை மீறி அளவுக்கு அதிகமாக கூட்டம் கூடியதால் கடையை மூடி மாநகராட்சி அதிகாரிகள் சீல் வைத்தனர். மேலும் கடை உரிமையாளருக்கு ரூ.5 ஆயிரம் அபராதம் விதித்தனர். கடை திறப்பு விழா அன்றே கடையை அதிகாரிகள் சீல் வைத்திருப்பதால் உரிமையாளர்கள் சோகமடைந்தனர்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Sheik Hanifah
First published: