விஜய் தேவரகொண்டாவின் லைகர் பட சென்சார் சான்றிதழ் வெளியீடு... ஆகஸ்ட் 25-ல் படம் ரிலீஸ்

விஜய் தேவரகொண்டா நடித்துள்ள லைகர் படத்தின் சென்சார் சான்றிதழ் வெளியிடப்பட்டுள்ளது. இந்த திரைப்படம் ஆகஸ்ட் 25-ம்தேதி திரைக்கு வருகிறது.

படத்தின் ரன்னிங் டைம் 2 மணி நேரம் 20 நிமிடங்கள் என சான்றிதழில் அறிவிக்கப்பட்டுள்ளது. இப்படத்தில் 7 சண்டைக்காட்சிகளும், 6 பாடல்களும் இருப்பதாக தயாரிப்பு நிறுவன வட்டாரங்கள் தெரிவித்தன. யு/ஏ சான்றிதழை சென்சார் போர்டு அதிகாரிகள் லைகர் படத்திற்கு அளித்துள்ளனர்.

விஜய் தேவரகொண்டாவின் மிகவும் எதிர்பார்க்கப்பட்ட படமாக லைகர் திரைப்படம் உள்ளது. இதனை பிரபல இயக்குனர் பூரி ஜெகன்நாத் இயக்கியுள்ளார். குத்துச்சண்டை ஜாம்பவான் மைக் டைசன் இந்த படத்தின் மூலம் இந்திய சினிமாவில் அறிமுகமாகிறார்.

Sita Ramam Movie Review : துல்கர் சல்மானின் சீதா ராமம் திரைப்பட விமர்சனம்

மைக் டைசன் படத்தில் இடம்பெற்றிருப்பதால் லைகர் படத்தின் மீதான எதிர்பார்ப்பு அதிகரித்துள்ளது.

விஜய் தேவரகொண்டா லைகர் கேரக்டருக்காக உடலளவில் மாற்றங்களை செய்துள்ளார். தான்நடித்த படங்களிலேயே அதிக உடல் வலியை கொடுத்த படம் லைகர் என்று அவர் கூறியுள்ளார். இந்தப் படத்தில் குத்துச் சண்டை மற்றும் மார்ஷியல் ஆர்ட்ஸ் வீரராக விஜய் நடித்திருக்கிறார்.

படத்தின் கச்சிதமான ரன்னிங் டைம், ஆக்‌ஷன் பகுதி, ஹீரோ உருவாக்கம், டயலாக் டெலிவரி, ரம்யா கிருஷ்ணனின் கதாபாத்திரம், அம்மா சென்டிமென்ட், காட்சி அமைப்புகள் மற்றும் விஜய் தேவரகொண்டா - அனன்யா பாண்டேயின் காதல் பாடல் ஆகியவை சிறப்பாக அமைந்துள்ளதாக சென்சார் போர்டு வட்டாரங்கள் தெரிவிக்கின்றன.

தனுஷ் நடிக்கும் திருச்சிற்றம்பலம் படத்தின் ட்ரெய்லர் ரிலீஸ் தேதி அறிவிப்பு…

இந்தி திரையுலகில் வளர்ந்து வரும் நடிகையான அனன்யா பாண்டே லைகர் படத்தில் விஜய் தேவரகொண்டாவுக்கு ஜோடியாக நடித்துள்ளார். விஜய்க்கு அம்மாவாக இடம்பெறும் ரம்யா கிருஷ்ணனின் காட்சிகள் வரவேற்பை பெறும் என படக்குழுவினர் தெரிவித்துள்ளனர்.