Home /News /entertainment /

விஜய் 67 படத்தின் இயக்குனர், தயாரிப்பாளர் இவர்களா?

விஜய் 67 படத்தின் இயக்குனர், தயாரிப்பாளர் இவர்களா?

நடிகர் விஜய்

நடிகர் விஜய்

விஜய்யின் 67 வது படத்தை யார் இயக்குவார்கள், தயாரிப்பது எந்த நிறுவனம் என்ற பேச்சு இப்போதே தொடங்கியுள்ளது.

  • News18
  • Last Updated :
விஜய் தனது 65 வது படமான பீஸ்டில் நடித்து வருகிறார். நெல்சன் திலீப் குமார் இயக்கும் இந்தப் படத்தை சன் பிக்சர்ஸ் தயாரிக்கிறது. படத்தின் வெளியீட்டு தேதி இன்னும் அறிவிக்கப்படவில்லை.

இதையடுத்து தெலுங்குப்பட இயக்குனர் வம்சி பைதப்பள்ளி இயக்கத்தில் தில் ராஜு தயாரிக்கும் படத்தில் விஜய் நடிக்கிறார். அவரது 66 வது படமாக இது தயாராகிறது. விரைவில் படம் குறித்த மேலதிக தகவல்களை நடிகர்கள், தொழில்நுட்பக் கலைஞர்கள் பட்டியலோடு அறிவிக்க உள்ளனர். தமிழ், தெலுங்கு இரு மொழிகளில் இப்படம் தயாராகும் என எதிர்பார்க்கப்படுகிறது.

விஜய்யின் 67 வது படத்தை யார் இயக்குவார்கள், தயாரிப்பது எந்த நிறுவனம் என்ற பேச்சு இப்போதே தொடங்கியுள்ளது. நெருக்கமான வட்டாரங்களில் விசாரித்ததில், விஜய்யை வைத்து மாஸ்டர் படத்தை இயக்கிய லோகேஷ் கனகராஜ் விஜய்யின் 67 வது படத்தை இயக்கவிருப்பதாக தகவல் கிடைத்துள்ளது.

லோகேஷ் கனகராஜ் தற்போது விக்ரம் படத்தை இயக்கி வருகிறார். அடுத்து மணிரத்னம், ஷங்கர் உள்பட 10 இயக்குனர்கள் இணைந்து உருவாக்கிய தயாரிப்பு நிறுவனத்துக்காக ஒரு படத்தை இயக்குகிறார். அதனையடுத்து விஜய் படத்தை இயக்குவார் என கூறுகின்றனர்

Also read... தெலுங்கு சினிமாவில் புயலை கிளப்பிய நடிகர் சங்கத் தேர்தல் - பிரகாஷ்ராஜ் ராஜினாமா!

இந்தப் படத்தை 7 ஸ்கிரீன் ஸ்டுடியோ லலித் குமார் தயாரிப்பார் எனவும் தகவல்கள் கூறுகின்றன. விரைவில் இதுகுறித்த அதிகாரப்பூர்வ அறிவிப்பை எதிர்பார்க்கலாம்.
Published by:Vinothini Aandisamy
First published:

Tags: Actor vijay, Lokesh Kanagaraj

அடுத்த செய்தி