தெறிக்கும் வசனங்கள்.. வேற லெவல் சூரி.. 10 மில்லியன் வியூஸை தாண்டிய வெற்றிமாறனின் ’விடுதலை’ ட்ரெய்லர்!

ஆர்.எஸ். இன்ஃபோடெயின்மென்ட் எல்ரட் குமார் தயாரிப்பில் வெற்றிமாறன் இயக்கும் படம் ‘விடுதலை’. இரண்டு பாகங்களாக உருவாகும் இப்படத்தில் விஜய் சேதுபதி, சூரி முக்கிய கதாபாத்திரத்தில் நடித்துள்ளனர். இவர்களைத் தவிர பவானி ஸ்ரீ, பிரகாஷ்ராஜ், கெளதம் வாசுதேவ் மேனன், ராஜீவ் மேனன், சேத்தன் மற்றும் பல முக்கிய நட்சத்திரங்கள் நடித்துள்ளனர். இளையராஜா இந்தப் படத்திற்கு இசையமைத்துள்ளார்.

படத்தின் முதல் பாகம் வரும் மார்ச் 31-ம் தேதி திரையரங்குகளில் வெளியாகிறது. இந்நிலையில், இப்படத்தின் ட்ரெய்லர் வெளியீட்டு விழா நேற்று சென்னையில் நடைபெற்றது. நக்சல்பாரி இயக்கத்தினருக்கும் அதிகார வர்க்கத்தினருக்குமான பிரச்சினையை படம் அழுத்தமாக பேசுவதை ட்ரெய்லர் உணர்த்துகிறது. அதிகாரவர்கத்தின் கோரத்தை உணர்த்தும் வகையில் ட்ரெய்லரில் சில காட்சிகள் இடம்பெற்றுள்ளது.

இந்நிலையில் நேற்று வெளியான இந்த படத்தின் ட்ரெய்லர் வீடியோ யூடியூபில் தற்போது 10 மில்லியன் பார்வைகளை கடந்துள்ளது.

' isDesktop="true" id="906801" youtubeid="GYeSfq_bj_M" category="cinema">

நன்றி: Sony Music South.