வெங்கடேஷ், ராணா நடிப்பில் ரீமேக்காகும் ரே டோனவன் வெப் தொடர்!

யுஎஸ்ஸில் தயாரான க்ரைம் வெப் தொடர்களில் முக்கியமானது ரே டோனவன். ஐஎம்டிபி இணையதளத்தில் 8.3 மதிப்பெண்கள் பெற்றுள்ளது. 

ரே டோனவன் இதுவரை 7 சீஸன்கள் வெளியாகியுள்ளது. ஒன்று முதல் ஐந்துவரையான சீஸன்களின் கதை லாஸ் ஏஞ்சல்ஸ் நகரில் நடக்கிறது. ஆறு மற்றும் ஏழாவது சீஸன் நியூயார்க்கில். படத்தின் மைய கதாபாத்திரமான ரே டோனவன் ஒரு Fixer. அதாவது, பிரச்சனைகளை தீர்த்து வைப்பவர். சட்டத்துக்கு உட்பட்டும், உட்படாமலும் பிரச்சனைகளை தீர்ப்பதில் கில்லாடி. இவருக்கு இரு உதவியாளர்கள்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

இந்தத் தொடரின் முக்கிய அம்சம், ரே டோனவனின் குடும்பம் மற்றும் அதிலுள்ள சிக்கல்கள். ரே டோனவனின் தந்தை அடிப்படையில் ஒரு கிரிமினல். அவர் ஜெயலிலிருந்து வெளிவருவதிலிருந்து பிரச்சனை உருவாகும். அவருக்கு மூன்று மகன்கள். மூத்தவன் ரே டோனவன். இரண்டாவது மகன் பார்கின்ஸன் நோயால் பாதிக்கப்பட்ட குத்துச்சண்டை வீரன். ஜிம் வைத்து குத்துச்சண்டை சொல்லி தருகிறான்.



மூன்றாவது மகன் சின்ன வயதில் பாதிரியாரால் பாலியல் பலாத்காரம் செய்யப்பட்டவன். அதனால் ஏற்பட்ட மனரீதியான பாதிப்பில் பெண்களுடன் இணைய முடியாமல் இருப்பவன். இவர்களில் ரே டோனவனுக்கு மட்டும் மனைவி இரு குழந்தைகள் உண்டு. 

மேலே பார்த்த ஒவ்வொரு கதாபத்திரமும் மிகநேர்த்தியாகவும், தனித்தன்மையுடனும் உருவாக்கப்பட்டிருப்பது இந்தத் தொடரின் சிறப்பம்சம். இத்தனை அருமையான கதாபாத்திரங்களை ஒரு தொடரில் பார்ப்பது அரிது. ரே டோனவனை முக்கியமாக்குவதும் இந்த கதாபாத்திரங்களே. 



உலகம் முழுவதும் ரசிகர்களைக் கொண்ட ரே டோனவன் தொடரை தெலுங்கில் ராணா, வெங்கடேஷ் நடிப்பில் ரீமேக் செய்கின்றனர். ராணா நாயுடு என தொடருக்கு பெயர் வைக்கப்பட்டுள்ளது. நெட்பிளிக்ஸில் வெளியாகவுள்ள இந்தத் தொடரை கரண் அன்ஷுமான் இயக்குகிறார். 

Also read... அண்ணாத்தயுடன் மோதும் மகான்...? - புகைப்படங்கள்!

ரே டோனவன் கதாபாத்திரத்தில் ராணாவும், அவரது தந்தை வேடத்தில் வெங்கடேஷும் நடிக்க அதிக வாய்ப்புள்ளது. இந்த இரண்டு கதாபாத்திரங்கள்தான் கதையை நகர்த்துபவை. ரே டோனவனாக Liev Schreiber வாழ்ந்திருந்தார் என்றே சொல்லலாம். இவரது தந்தையாக நடித்திருந்தவர், அனகோண்டா படத்தில் வில்லனாக வரும், Jon Voight. திரையில் வரும்போதெல்லாம் நமது ரத்த அழுத்தத்தை அதிகரிக்க வைக்கும் கதாபாத்திரம். 

ராணா நாயுடு டீம் எந்தளவுக்கு ஒரிஜினலுக்கு நியாயம் செய்யப் போகிறார்கள் என்பதை பொறுத்திருந்து பார்ப்போம்.