தனுஷ் படத்தில் இணைந்த முக்கிய இயக்குநர்?

தனுஷின் கேப்டன் மில்லர் படத்தில் உறியடி விஜய்குமார் இணைந்துள்ளதாக தகவல்கள் தெரிவிக்கின்றன.

‘வாத்தி’ வெளியீட்டுக்குப் பிறகு, தனுஷ் ‘கேப்டன் மில்லர்’ படத்தின் படப்பிடிப்பில் பிஸியாக இருக்கிறார். அருண் மாதேஸ்வரன் இயக்கத்தில் உருவாகி வரும் இப்படத்தில் தனுஷுடன் இணைந்து பிரியங்கா அருள் மோகன், சிவராஜ்குமார் உள்ளிட்டோர் முக்கிய வேடங்களில் நடித்துள்ளனர்.

தற்போது இப்படத்தில் 'உறியடி' பட நடிகரும் இயக்குனருமான விஜய்குமார் இணைந்துள்ளதாக தகவல்கள் தெரிவிக்கின்றன. இது குறித்த அதிகாரப்பூர்வ அறிவிப்பை தயாரிப்பாளர்கள் விரைவில் வெளியிடுவார்கள் என்று எதிர்பார்க்கப்படுகிறது. அதோடு சந்தீப் கிஷன், எட்வர்ட் சோனென்ப்ளிக், ஜான் கோக்கன் மற்றும் நிவேதிதா சதீஷ் உள்ளிட்டோரும் கேப்டன் மில்லர் படத்தில் நடித்து வருகின்றனர். இப்படத்திற்கு ஜிவி பிரகாஷ் குமார் இசையமைத்துள்ளார்.

இப்படம் இந்த ஆண்டு திரைக்கு வரும் என எதிர்பார்க்கப்படுகிறது. தவிர தனுஷ், சேகர் கம்முலாவுடன் தனது அடுத்தப் படத்தின் படப்பிடிப்பை விரைவில் தொடங்குவார் எனத் தெரிகிறது. அதோடு தனது 50-வது படத்திற்கும் ஒப்பந்தமாகியுள்ளார், அதற்கு தற்காலிகமாக 'D50' என்று பெயரிடப்பட்டுள்ளது. தனுஷ் இயக்கும் இப்படத்தில் அவருடன் இணைந்து, எஸ்.ஜே.சூர்யா, விஷ்ணு விஷால், காளிதாஸ் ஜெயராம், துஷாரா விஜயன் ஆகியோர் முக்கிய வேடங்களில் நடிக்கவுள்ளதாகக் கூறப்படுகிறது. இந்த படத்திற்கு ‘ராயன்’ என்று பெயரிடப்பட்டுள்ளதாகவும், ஏ.ஆர்.ரஹ்மான் இசையமைக்க இருப்பதாகவும் செய்திகள் தெரிவிக்கின்றன.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.