TV Actress: லட்சக்கணக்கில் கொள்ளையடித்த 2 டிவி நடிகைகள் கைது

டிவி நடிகைகள் கைது

இந்த சம்பவத்தில், சுரபி மற்றும் மொசினா ஆகியோர் கொள்ளையில் ஈடுபட்டதாக விசாரணையின் போது தெரியவந்தது.

  • Share this:
    கொள்ளை வழக்கில் இரண்டு டிவி நடிகைகளை போலீசார் கைது செய்துள்ளதாக தெரிவிக்கப்பட்டுள்ளது.

    சுரபி சுரேந்திர லால் ஸ்ரீவஸ்தவா (25), மொசினா முக்தர் ஷேக் (19) ஆகிய நடிகைகள் மும்பையில் உள்ள பேயிங் கெஸ்ட்டில் ரூ .3 லட்சம் திருடியுள்ளதாகக் கூறப்படுகிறது.

    கோவிட் 19 தொற்றுநோயின் விளைவாக நடிகைகள் பண பிரச்னைகளை எதிர்கொள்ளத் தொடங்கினர், இதனால் மும்பை முழுவதும் படப்பிடிப்பு நிறுத்தப்பட்டது. மும்பையின் ஆரே காலனியில் உள்ள கோரேகானில் பேயிங் கெஸ்ட் விடுதியில் வேறு சிலருடன் டிவி நடிகைகள் சிலர் வாழ்ந்து வருவதாக கூறப்படுகிறது. இந்நிலையில் கிட்டத்தட்ட ரூ 3.28 லட்சம் திருடப்பட்டதாக, ஆரே காவல் நிலையத்தில் விருந்தினர் ஒருவர் புகார் அளித்தார்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

    இந்த சம்பவத்தில், சுரபி மற்றும் மொசினா ஆகியோர் கொள்ளையில் ஈடுபட்டதாக விசாரணையின் போது தெரியவந்தது. இரு நடிகைகளும் பணத்துடன் தப்பி ஓடியதைக் காட்டும் சிசிடிவி காட்சிகளை போலீசார் பெற்றனர். சவ்தான் இந்தியா மற்றும் க்ரைம் ரோந்து போன்ற தொலைக்காட்சி நிகழ்ச்சிகளில் தோன்றிய நடிகைகள் தான் அவர்கள் எனத் தெரிய வந்தது. அதோடு அவர்கள் தங்கள் குற்றத்தையும் ஒப்புக்கொண்டனர்.

    திருடப்பட்ட பணத்தில் இருந்து ரூ 50 ஆயிரத்தை போலீசார் மீட்டனர். இதையடுத்து சுரபி மற்றும் மொசினா இருவரும் நீதிமன்றத்தில் ஆஜர்படுத்தப்பட்டு ஜூன் 23 வரை போலீஸ் காவலில் வைக்கப்பட்டனர்.



    உடனடி செய்திகளுக்கு இணைந்திருங்கள்
    Published by:Shalini C
    First published: