புதுச்சேரியில் துணிவு படத்தின் நள்ளிரவு சிறப்புக் காட்சி ரத்து

புதுச்சேரியில் துணிவு படத்தின் நள்ளிரவு சிறப்புக் காட்சி ரத்து செய்யப்பட்டுள்ளது.

நேர்க்கொண்ட பார்வை, வலிமை ஆகியப் படங்களுக்குப் பிறகு மீண்டும் அஜித், ஹெச்.வினோத், போனி கபூர் கூட்டணி துணிவு படத்தில் இணைந்துள்ளது. அஜித்தின் 61-வது படமான இதில் நடிகை மஞ்சு வாரியர் ஹீரோயினாக நடிக்கிறார். ஜிப்ரன் இசையமைக்கிறார். இப்படத்திற்காக அஜித் முற்றிலும் மாறுபட்ட இரண்டு கெட் அப்களில் நடிப்பதாக தகவல்கள் தெரிவிக்கின்றன. இப்படம் பொங்கல் பண்டிகையை முன்னிட்டு நாளை வெளியாகவிருக்கிறது.

முதலில் துணிவு திரைப்படம் நள்ளிரவு 1 மணிக்கு வெளியாவதாக அறிவிக்கப்பட்டது. ஆனால் 16-ம் தேதி வரை அதிகாலை காட்சிகள் ரத்து செய்யப்படுவதாக தமிழ்நாடு அரசு அறிவித்தது. இந்நிலையில் தற்போது புதுச்சேரியில் துணிவு படத்தின் நள்ளிரவு சிறப்புக்காட்சி ரத்து செய்யப்பட்டுள்ளது. இதையடுத்து படம் அதிகாலை 5 மணிக்கு திரையிடப்படும் என மாவட்ட ஆட்சியர் தெரிவித்துள்ளார்.

அந்தமானில் அதிக திரைகளில் திரையிடப்படும் அஜித்தின் துணிவு

9 வருடங்களுக்குப் பிறகு அஜித் மற்றும் விஜய் படங்கள் ஒரே நாளில் வெளியாவதால் இந்த பொங்கல் இருதரப்பு ரசிகர்களிடமும் மிகுந்த எதிர்பார்ப்பை ஏற்படுத்தியுள்ளது.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.