Valimai Update: இந்த மாதமாவது ரசிகர்களுக்கு ‘வலிமை’ அப்டேட் கிடைக்குமா?

அஜித்

வலிமை அப்டேட் கேட்டு வலியுறுத்தி வரும் அஜித் ரசிகர்களுக்கு ஜூலை மாத இறுதியில் இருந்து அப்டேட் கிடைக்கும் என முன்பே செய்தி வெளியிட்டிருந்தோம்.

  • Share this:
    இந்த மாதமாவது ‘வலிமை’ அப்டேட் வெளியாகுமா என எதிர்பார்ப்பில் இருக்கிறார்கள் அஜித் ரசிகர்கள்.

    சதுரங்கவேட்டை, தீரன் அதிகாரம் ஒன்று என வித்தியாசமான கதைக்களத்தில் அடுத்தடுத்து ஹிட் கொடுத்தவர் ஹெச்.வினோத். அடுத்து அஜித்திடம் கதை சொல்லி, அவரது சம்மதத்தையும் பெற்றார். அந்த நேரத்தில் போனி கபூருக்கு படம் பண்ணித்தர வேண்டியிருந்ததால், இந்தி பிங்கின் தமிழ் ரீமேக்கில் நடிக்க அஜித் ஒப்புக் கொண்டார். இயக்குநருக்கு ஏன் அலைய வேண்டும் என்று பிங்க் தமிழ் ரீமேக்கை இயக்கும் பொறுப்பை வினோத்திடம் அளித்தார். நேர்கொண்ட பார்வையாக அப்படம் வெளியானது. இதையடுத்து மீண்டும் போனி கபூர், அஜித், ஹெச்.வினோத் கூட்டணியில் வலிமை படத்தின் வேலைகளை தொடங்கப்பட்டது. தற்போது வலிமை படம் இறுதிக்கட்டத்தை எட்டியிருக்கிறது.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

    இந்நிலையில் (ஜூலை) இந்த மாதம் வலிமையின் ஒட்டு மொத்த படப்பிடிப்பையும் முடித்து விட்டு, வலிமை படக்குழுவினர் புரமோஷன் பணிகளை துவங்க திட்டமிட்டுள்ளதாகவும், இதனால் வலிமை அப்டேட் கேட்டு வலியுறுத்தி வரும் அஜித் ரசிகர்களுக்கு ஜூலை மாத இறுதியில் இருந்து அப்டேட் கிடைக்கும் எனவும் முன்பே செய்தி வெளியிட்டிருந்தோம்.

    இந்நிலையில் ஜூலை 1-ம் தேதியான இன்று #ValimaiMotionPoster என ட்விட்டரில் ட்ரெண்ட் செய்து வருகிறார்கள் அஜித் ரசிகர்கள். இந்த மாதம் எப்படியும் அப்டேட் கிடைக்கும் என்ற நம்பிக்கையில் மாதத்தின் முதல்நாளான இன்று வலிமை படத்தின் மீதான தங்களது எதிர்பார்ப்பை வெளிப்படுத்தி ட்வீட் செய்து வருகிறார்கள்.

    இந்த மாதமாவது அஜித் ரசிகர்களுக்கு நல்ல செய்தி கிடைக்குமா? பொறுத்திருந்து பார்ப்போம்.



    உடனடி செய்திகளுக்கு இணைந்திருங்கள்
    Published by:Shalini C
    First published: