• HOME
  • »
  • NEWS
  • »
  • entertainment
  • »
  • பிப்ரவரியில் சூர்யா, சிரஞ்சீவி படங்கள் மோதல்..

பிப்ரவரியில் சூர்யா, சிரஞ்சீவி படங்கள் மோதல்..

காட்சி படம்

காட்சி படம்

எதற்கும் துணிந்தவன் 2022 பிப்ரவரி 4 வெளியாகும் என சன் பிக்சர்ஸ் அறிவித்துள்ளது.

  • Share this:
சூர்யா நடித்திருக்கும் எதற்கும் துணிந்தவன் 2022 பிப்ரவரி 4 வெளியாகும் என சன் பிக்சர்ஸ் அறிவித்துள்ளது. அதேநாளில் சிரஞ்சீவியின் ஆச்சார்யா திரைப்படமும் வெளியாகிறது.

பாண்டிராஜ் இயக்கத்தில் சூர்யா எதற்கும் துணிந்தவன் படத்தில் நடித்துள்ளார். கிராமத்துப் பின்னணியில், குடும்ப உறவுகளின் கதைக்களத்தில் ஆக்ஷன் கலந்த படமாக இது தயாராகியுள்ளது. முக்கியமாக பொள்ளாச்சி பாலியல் வன்முறை சம்பவம் இதில் இடம்பெறுவதாக கூறப்படுகிறது. ஜெய் பீம் சூர்யாவுக்கு பெரும் ஆதரவையும், எதிர்பார்ப்பையும் ஏற்படுத்தியிருக்கும் நிலையில் எதற்கும் துணிந்தவன் படம் பல சாதனைகளை செய்யும் என்பது பலரது நம்பிக்கை. படம் பிப்ரவரி 4 வெளியாகும் என்று சன் பிக்சர்ஸ் நேற்று அறிவித்தது.

also read : சல்மான்கானை சந்தித்த ராஜமௌலி - பரபரக்கும் பாலிவுட்
 அந்த தேதியில் இதுவரை எந்த தமிழ்ப் படமும் வெளியாவதாக அறிவிக்கவில்லை. பெரிய படங்கள் எதுவும் அந்தத் தேதியில் வெளியாகவும் வாய்ப்பில்லை. அதே நேரம் ஆந்திரா, தெலுங்கானாவில் சூர்யா படத்துக்கு போட்டியாக சிரஞ்சீவி படம் வெளியாகிறது. பொதுவாக தெலுங்கு நடிகர்களின் படங்கள் தமிழகத்தில் அதிகம் வசூலிப்பதில்லை. மேலும் தெலுங்கில் வெளியாகி பல வாரங்கள் கடந்தே தமிழில் வெளியாகும். ஆச்சார்யா படம் தமிழில் வெளியானாலும் அது சூர்யா படத்துக்கு எந்த பாதிப்பையும் ஏற்படுத்தப் போவதில்லை.


அதேநேரம் தமிழின் முன்னணி நடிகர்களின் படங்களுக்கு ஆந்திரா, தெலுங்கானாவில் நல்ல மார்க்கெட் உள்ளது. தமிழில் படம் வெளியாகும் அதேநாள் தெலுங்கிலும் படம் வெளியாகும். தீபாவளிக்கு வெளியான அண்ணாத்த, எனிமி இரு படங்களும் அதே தேதியில் தெலுங்கில் ஆந்திரா, தெலுங்கானாவில் வெளியாகின. சூர்யாவுக்கு இவ்விரு மாநிலங்களிலும் மார்க்கெட் உள்ளது. சிரஞ்சீவி படம் பிப்ரவரி 4 வெளியானால் எதற்கும் துணிந்தவனின் தெலுங்கு வெளியீடு பாதிக்கப்பட வாய்ப்பு உள்ளது.

ஆச்சார்யா படத்தில் சிரஞ்சீவியும், அவரது மகன் ராம் சரணும் முதல்முறையாக இணைந்து நடித்துள்ளனர். கொரட்டல சிவா இயக்கம். ராம் சரணே படத்தை தயாரித்துள்ளார். படத்துக்கு பெரும் எதிர்பார்ப்பு நிலவுகிறது. ஆகவே, தெலுங்கு மாநிலங்களில் எதற்கும் துணிந்தவன் கடும் போட்டியை சந்திப்பது உறுதியாகியுள்ளது.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Tamilmalar Natarajan
First published: