நொய்டா சர்வதேச பட விழாவில் விருதுகளை வென்று குவித்த ஜெய் பீம்!

நொய்டா சர்வதேச பட விழாவில் சிறந்த படம், சிறந்த நடிகர் மற்றும் நடிகைக்கான பிரிவுகளில் விருதுகளை வென்றுள்ளது ஜெய்பீம்.

நடிகர் சூர்யா நடிப்பில் சில மாதங்களுக்கு முன்பு வெளியான திரைப்படம் ‘ஜெய் பீம்’. இப்படத்தை கூட்டத்தில் ஒருவன் பட இயக்குனர் ஞானவேல் இயக்கியிருந்தார். சூர்யாவின் 39-வது படமான இதில், பிரகாஷ் ராஜ், கர்ணன் பட நடிகை ரஜிஷா விஜயன், லிஜோமோல் ஜோஸ் ஆகியோர் முக்கிய கதாபாத்திரங்களில் நடித்திருந்தனர். இருளர் சமூகத்தைச் சேர்ந்த ராஜாக்கண்ணு - பார்வதி ஆகியோர் சந்தித்த பிரச்னைகளையும், அவர்களுக்கு நீதி வாங்கித் தந்த அப்போதைய வழக்கறிஞர் சந்துருவையும் மையப்படுத்தி இப்படம் இயக்கப்பட்டிருந்தது.

ஜெய் பீம் படத்தைப் பார்த்த ரசிகர்களும், பிரபலங்களும் படக்குழுவினருக்கு தங்கள் வாழ்த்துகளையும், பாராட்டுகளையும் தெரிவித்தனர். அதே நேரத்தில் படம் சில சர்ச்சைகளையும் கிளப்பியது. அமேசான் பிரைம் வீடியோ ஓடிடி தளத்தில் நேரடியாக வெளியான இப்படம் மொழி, மாநில எல்லைகளை கடந்து அதிர்வலைகளை ஏற்படுத்தியது. தமிழகம் அல்லாத பிற மாநிலங்களில் மக்கள் முன் ஜெய் பீம் திரையிடப்பட்டது.

ஒரே ஹோட்டலில் தங்கியிருக்கும் தனுஷ்-ஐஸ்வர்யா ரஜினிகாந்த் - பிரச்னைக்கு தீர்வு காண்பார்களா?



ஆஸ்கர் விருதுக்கு தேர்வாகியுள்ள இப்படம், அதன் அதிகாரப்பூர்வ யூ-ட்யூப் சேனலிலும் வெளியிடப்பட்டது. இந்நிலையில் நொய்டாவில் நடந்த சர்வதேச திரைப்பட விழாவில், சிறந்த படம், சிறந்த நடிகர் மற்றும் சிறந்த நடிகைக்கான பிரிவில் விருதுகளை வென்றுள்ளது ஜெய்பீம்.



உடனடி செய்திகளுக்கு இணைந்திருங்கள்