சுந்தர் சி – ஜெய் நடிப்பில் உருவான ‘பட்டாம்பூச்சி’ படத்தின் ரிலீஸ் தேதி அறிவிப்பு…

சுந்தர் சி – ஜெய் நடிப்பில் உருவாகியுள்ள பட்டாம் பூச்சி படத்தின் ரிலீஸ் தேதி அறிவிக்கப்பட்டுள்ளது.

தமிழில் பல வெற்றிப் படங்களை கொடுத்த இயக்குனர் சுந்தர் சி சமீப காலமாக ஹீரோவாகவும் நடித்து வருகிறார். கடந்த ஆண்டு சுந்தர் சி நடிப்பிலும், இயக்கத்திலும் வெளிவந்த அரண்மனை 3 திரைப்படம் கலவையான விமர்சனங்களைப் பெற்றது.

அடுத்ததாக ஜீவா, ஸ்ரீகாந்த் உள்ளிட்டோரை காஃபி வித் காதல் என்ற படத்தை சுந்தர் சி இயக்கி வருகிறார்.

இந்நிலையில் சுந்தர் சி, ஜெய் ஆகியோர் நடிப்பில் உருவாகியுள்ள பட்டாம்பூச்சி படம் வரும் 24-ம்தேதி வெளியாகும் என அறிவிக்கப்பட்டுள்ளது. இவர்களுடன் ஹனிரோஸ், இமான் அண்ணாச்சி உள்ளிட்டோரும் பட்டாம் பூச்சி படத்தில் இடம்பெற்றுள்ளனர்.

இதையும் படிங்க - மாலத்தீவில் நடிகை அனுஷ்கா சர்மா - வைரலாகும் நியூ கிளிக்ஸ்!

பத்ரி இயக்கியுள்ள இந்த படத்தை குஷ்புவின் அவ்னி டெலி மீடியா நிறுவனம் தயாரித்துள்ளது. சைக்கோ த்ரில்லர் ஜேனரில் பட்டாம்பூச்சி படம் உருவாக்கப்பட்டுள்ளதாக படக்குழுவினர் தெரிவித்துள்ளனர்.

Intense, Dark & Gripping! #SundarC 's most awaited edge of the seat thriller!!#Pattampoochi 🦋

In theatres from June 24th.#BadriNarayanan @Actor_Jai @HoneyRoseOffl #ImmanAnnachi @FennyOliver @navneethsundar @poetpaavijay@vonimusic @RIAZtheboss @CtcMediaboy pic.twitter.com/L7tZVzaKIo

— KhushbuSundar (@khushsundar) June 12, 2022

தற்போது, படத்தின் வெளியீட்டிற்காக இறுதிக் கட்ட பணிகள் முழு வீச்சில் நடந்து வருகின்றன. முன்னதாக பட்டாம்பூச்சி திரைப்படம் மே 13-ம்தேதி வெளியாகும் என அறிவிக்கப்பட்டிருந்த நிலையில் வெளியீடு தற்போது தள்ளி வைக்கப்பட்டுள்ளது.

Also read... சந்திரமுகி 2-க்கு இசையமைக்கும் பாகுபலி இசையமைப்பாளர்! 

இதேபோன்று அருண் விஜய் நடிப்பில், ஹரி இயக்கத்தில் உருவான யானை திரைப்படத்தின் வெளியீடு ஜூலை 1-ம்தேதிக்கு ஒத்தி வைக்கப்பட்டுள்ளது. முன்னதாக இந்த திரைப்படம் ஜூன் 17-ம்தேதி வெளியாகும் என அறிவிக்கப்பட்டு இருந்தது.

பட்டாம்பூச்சி படம் வெளியாகும் ஜூன் 24 ம் தேதியன்று, சீனு ராமசாமி இயக்கத்தில் விஜய் சேதுபதி நடிப்பில் உருவாகியுள்ள மாமனிதன் படமும் ரிலீஸ் ஆகிறது.