கமல் தயாரிப்பில் பிரபல இயக்குநருடன் கைகோர்க்கும் சிம்பு - வேற லெவல் தகவல்

கண்ணும் கண்ணும் கொள்ளையடித்தால் திரைப்படத்தை இயக்கிய தேசிங்கு பெரியசாமி, நடிகர் ரஜினிகாந்த் நடிப்பில் புதிய திரைப்படத்தை இயக்குவதற்கான முயற்சிகளில் ஈடுபட்டிருந்தார். ஆனால் அந்த திரைப்படம் தற்போது தொடங்கப்படவில்லை.

இதன் காரணமாக தற்போது நடிகர் கமல்ஹாசனின் ராஜ் கமல் நிறுவனம் தயாரிக்கும் புதிய திரைப்படத்தை இயக்க ஒப்பந்தமாகியுள்ளார். அந்த திரைப்படத்தில் சிலம்பரசன் நாயகனாக நடிக்கிறார். இதற்கான அதிகாரப்பூர்வ அறிவிப்பு நாளை மாலை 6:30 மணிக்கு வெளியாகிறது.

இந்த தகவலை ராஜ்கமல் நிறுவனம் புதிய வீடியோ மூலம் வெளியிட்டுள்ளது. அதில் எந்த திரைப்படத்திற்கான அறிவிப்பு என்று குறிப்பிடப்படவில்லை என்றாலும், அது சிலம்பரசன் மற்றும் தேசிங்கு பெரியசாமி படத்திற்கான அறிவிப்பு என்பது குறிப்பிடத்தக்கது.