கல்யாணத்தை மறைமுகமாக அறிவிக்கிறார்களா? சித்தார்த் - அதிதி ஜோடி - பிரபல பாடலுக்கு டான்ஸ் ஆடிய வீடியோ!

நடிகர் சித்தார்த் தற்போது ஷங்கர் இயக்கத்தில் கமல்ஹாசனுடன் 'இந்தியன் 2' படத்தில் நடித்துவருகிறார். அவ்வப்போது தனது ட்விட்டர் பக்கத்தில் சித்தார்த் தெரிவிக்கும் கருத்துகள் சர்ச்சையை ஏற்படுத்திவருகின்றன.

இந்த நிலையில் சித்தார்த்தும் நடிகை அதிதி ராவ் ஹைதாரியும் காதலித்துவருவதாக கடந்த சில மாதங்களாக தகவல் பரவிவருகிறது. தெலுங்கில் மகாசமுத்திரம் படத்தில் இருவரும் இணைந்து நடித்திருந்தனர். அப்போது இருவருக்கும் காதல் ஏற்பட்டதாக கூறப்படுகிறது.

இயக்குனர் ஷங்கரின் 'பாய்ஸ்' படம் மூலம் தமிழ் சினிமாவில் சாக்லேட் பாயாக அறிமுகமானவர் சித்தார்த். தற்போது இவர் தமிழ் மட்டுமில்லாமல் தெலுங்கு மற்றும் இந்தி மொழி படங்களிலும் நடித்து வருகிறார். இந்நிலையில் நடிகர் சித்தார்த் நடிகை அதிதி ராவுடன் இணைந்து நடனமாடிய வீடியோ இணையத்தில் வைரலாகி வருகின்றது.

இருவரும் இயக்குநர் மணிரத்னத்தின் அறிமுகங்கள் என்பது குறிப்பிடத்தக்கது. இயக்குநர் மணிரத்னத்தின் காற்று வெளியிடை படத்தின் தமிழ் ரசிகர்களுக்கு அறிமுகமானவர் அதிதி. அதே போல மணிரத்னத்திடம் உதவி இயக்குநராக பணியாற்றிய சித்தார்த், அவரது இயக்கத்தில் கன்னத்தில் முத்தமிட்டால் படத்தில் சிறிய வேடத்தில் நடித்திருந்தார்.

 

View this post on Instagram

 

A post shared by Aditi Rao Hydari (@aditiraohydari)

இந்நிலையில் விஷால் நடிப்பில் வெளியான மால டம் டம் பாடல் இணையத்தில் பலராலும் நடனமாடி வீடியோ வெளியிட்டு வருகிறது. ரீல்ஸில் மிகவும் பிரபலமான இந்த பாடலுக்குதான் சித்தார்த் மற்றும் அதிதி நடனமாடி வீடியோ வெளியிட்டுள்ளனர். இதனால் இவர்கள் இருவரும் காதலித்து வருவது உண்மைதானா என்றும் திருமணத்தை இருவரும் மறைமுகமாக அறிவிக்கிறார்களா என ரசிகர்கள் பலரும் கேள்வி எழுப்பி வருகின்றனர். மேலும், நடிகர்கள் நகுல் மற்றும் சுஹாசினி உள்ளிட்டோர் அதிதி இன்ஸ்டாகிராமில் வெளியிட்ட வீடியோவிற்கு தங்களது வாழ்த்துகளையும் தெரிவித்து வருகின்றனர்.

Also read... ஆபாச மீம்ஸ்.. நடிகைகளின் புகைப்படங்களை வைத்து இப்படியெல்லாமா செய்வீங்க - நடிகை ரித்திகா சிங் வேதனை!

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.