Home /News /entertainment /

இந்தோனேசிய மொழியில் ரீமேக் செய்யப்படும் பார்த்திபன் படம்

இந்தோனேசிய மொழியில் ரீமேக் செய்யப்படும் பார்த்திபன் படம்

ஒத்த செருப்பு சைஸ் 7

ஒத்த செருப்பு சைஸ் 7

பார்த்திபன் இப்பொழுது எழுதி இயக்கியிருக்கும் இரவின் நிழல் திரைப்படமும் வித்தியாசமான முயற்சிதான். சிங்கிள் ஷாட்டில் இத்திரைப்படத்தை அவர் எடுத்துள்ளார்.

  • News18
  • Last Updated :
நடிகர், இயக்குனர், தயாரிப்பாளர், கதாசிரியர், பாடலாசிரியர் என பன்முக திறமையுடன் விளங்கும் பார்த்திபனின் படத்தை இந்தோனேசிய மொழியில் ரீமேக் செய்கிறார்கள். ஒரு தமிழ்ப் படம் இந்தோனேசிய மொழியில் ரீமேக் செய்யப்படுவது இதுவே முதல் முறையாகும்.

படத்திற்கு படம் வித்தியாசமான கதைக்களத்தை முயற்சி செய்கிறவர் பார்த்திபன். இந்த முயற்சியில் மூக்கு உடைந்தாலும் அவர் முயற்சியை கைவிடுவதில்லை.  தொடர்ச்சியாக தனது வித்தியாசமான முயற்சியை மேற்கொண்டு வருகிறார்.

அப்படி அவர் எடுத்த திரைப்படம்தான் ஒத்த செருப்பு சைஸ் 7. இந்தப் படத்தில் பார்த்திபன் மட்டுமே நடித்திருந்தார். வேறு நடிகர்கள் யாரும் இல்லை. அவரே எழுதி இயக்கிய இத்திரைப்படம் பல்வேறு விருதுகளையும், சர்வதேச திரைப்பட விழாக்களில் கவனமும் பெற்றது. இந்தப் படத்தை அவர் அபிஷேக் பச்சன் நடிப்பில் இந்தியில் ரீமேக் செய்தார். இந்நிலையில் இந்தப் படத்தை இந்தோனேசிய மொழியில் ரீமேக் செய்ய இருக்கிறார்கள்.

பால்கன் நவீன் என்பவர் இந்த ரீமேக்கை தயாரிக்கிறார். படத்தில் நடிக்க இருப்பவர் குறித்த விவரத்தை விரைவில் அறிவிக்க இருக்கிறார்கள். தமிழ் திரைப்படம் ஒன்று இந்தோனேசியாவின் பஹாசா  மொழியில் இதுவரை ரீமேக் செய்யப்பட்டதில்லை. அந்த மொழியில் ரீமேக் செய்யப்படும் முதல் தமிழ் திரைப்படம் என்ற பெருமையை ஒத்த செருப்பு சைஸ் 7 பெறுகிறது.

Also read... அட, மணிரத்தினம் காமெடி கூட செய்வாரா...?

பார்த்திபன் இப்பொழுது எழுதி இயக்கியிருக்கும் இரவின் நிழல் திரைப்படமும் வித்தியாசமான முயற்சிதான். சிங்கிள் ஷாட்டில் இத்திரைப்படத்தை அவர் எடுத்துள்ளார். உலக அளவில் சிங்கிள் ஷாட்டில் நிறைய திரைப்படங்கள் எடுக்கப்பட்டிருந்தாலும் நான் லீனியர் முறையில் கதை சொல்லும் சிங்கிள் ஷாட் திரைப்படம் உலகிலேயே இதுதான் முதல்முறை என்பது குறிப்பிடத்தக்கது.
Published by:Vinothini Aandisamy
First published:

Tags: Actor Parthiban

அடுத்த செய்தி