Home /News /entertainment /

RB Choudary: விஷாலின் ஆவணங்களை வைத்திருப்பவர்களுக்கு தயாரிப்பாளர் ஆர்.பி.செளத்ரி எச்சரிக்கை!

RB Choudary: விஷாலின் ஆவணங்களை வைத்திருப்பவர்களுக்கு தயாரிப்பாளர் ஆர்.பி.செளத்ரி எச்சரிக்கை!

விஷால் - ஆர்.பி.செளத்ரி

விஷால் - ஆர்.பி.செளத்ரி

இதுநாள் வரையிலான தன்னுடைய திரை அனுபவத்தில், பணம் தொடர்பாக புகாரை சந்திப்பது இதுவே முதல் முறை என்றும் ஆர்.பி.சவுத்ரி குறிப்பிட்டார்.

    நடிகர் விஷாலின் ஆவணங்களை வைத்திருப்பவர்கள் அதனை பயன்படுத்த முயற்சி செய்தால் கடுமையான நடவடிக்கை எடுக்கப்படும் என தயாரிப்பாளர் ஆர்.பி.சவுத்ரி எச்சரிக்கை விடுத்துள்ளார்.

    சக்ரா திரைப்படத்தை தயாரிப்பதாக நடிகர் விஷால், ஆர்.பி.சவுத்ரியிடம் பணம் பெற்று இருந்தார். அதற்கு செக்யூரிட்டியாக சில ஆவணங்களையும் கொடுத்திருந்தார். இந்நிலையில் சில தினங்களுக்கு முன்பு பணம் கொடுத்த பின்பும் தயாரிப்பாளர் ஆர்.பி.சவுத்ரி அந்த ஆவணங்களை திருப்பி தர மறுப்பதாக காவல் நிலையத்தில் புகார் அளித்திருந்தார்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

    அதுகுறித்து தற்போது விளக்கம் அளித்துள்ள ஆர்.பி.சவுத்ரி, அந்த ஆவணங்களை கொடுத்து வைத்திருந்த அவரது மேலாளர் சிவக்குமார் மறைந்து விட்டதாகவும், நடிகர் விஷால் முன்னெச்சரிக்கையாக காவல் நிலையத்தில் புகார் அளித்திருப்பது நல்ல விஷயம் என்றாலும் அதற்கு முன்பு தன்னிடம் ஒருமுறை ஆலோசனை நடத்தி இருக்கலாம் என்ற ஒரு கருத்தை முன் வைத்திருக்கிறார். இதுநாள் வரையிலான தன்னுடைய திரை அனுபவத்தில், பணம் தொடர்பாக புகாரை சந்திப்பது இதுவே முதல் முறை என்றும் ஆர்.பி.சவுத்ரி அப்போது குறிப்பிட்டார்.

    கூடுதலாக விஷாலின் ஆவணங்களை சிவக்குமார் வேறு யாரிடமாவது கொடுத்து வைத்திருந்தால், அதனை உடனடியாக திருப்பி கொடுக்குமாறும், அதனை பயன்படுத்த முயற்சி செய்பவர்கள் மீது தக்க நடவடிக்கை எடுக்கப்படும் என்றும் அவர் குறிப்பிட்டிருக்கிறார்



    உடனடி செய்திகளுக்கு இணைந்திருங்கள்
    Published by:Shalini C
    First published:

    Tags: Actor vishal, Tamil Cinema

    அடுத்த செய்தி