• HOME
  • »
  • NEWS
  • »
  • entertainment
  • »
  • Prithviraj: சலார் படத்தில் பிரபாஸுக்கு வில்லனாக பிருத்விராஜ்..?

Prithviraj: சலார் படத்தில் பிரபாஸுக்கு வில்லனாக பிருத்விராஜ்..?

பிரபாஸ்- பிருத்விராஜ்

பிரபாஸ்- பிருத்விராஜ்

Prithviraj : மலையாள சினிமாவில் நாயகனாக மட்டுமின்றி இயக்குனராகவும் சாதித்தவர் பிருத்விராஜ்.

  • News18
  • Last Updated :
  • Share this:
அல்லு அர்ஜுனின் புஷ்பா படத்தில் மலையாளப் படவுலகின் முன்னணி நடிகர் பகத் பாசில் வில்லனாக நடித்து வருகிறார். அவரைத் தொடர்ந்து இன்னொரு மலையாள ஹீரோவும் பிரபாஸின் படத்தில் வில்லனாக நடிக்கயிருப்பதாக செய்திகள் கூறுகின்றன.

மலையாள சினிமாவில் நாயகனாக மட்டுமின்றி இயக்குனராகவும் சாதித்தவர் பிருத்விராஜ். மலையாளத்துடன் தமிழ், இந்தியிலும் நாயகனாக நடித்துள்ளார். அவரது நடிப்பில் இந்த வருடம் வெளியான குருதி மிகவும் பேசப்பட்டது. லூசிபர் வெற்றியைத் தொடர்ந்து மோகன்லால் நடிப்பில் ப்ரோ டாடி என்ற படத்தையும் அவர் இயக்கியுள்ளார். இவரை பிரபாஸின் படத்தில் வில்லனாக நடிக்க வைக்க முயற்சிகள் நடக்கிறது.

பாகுபலிக்குப் பிறகு பான் - இந்தியா நடிகராகிவிட்டார் பிரபாஸ். அவர் நடிக்கும் படங்கள் குறைந்தது 5 மொழிகளில் வெளியாகிறது. 2022 ஜனவரி 14 ஆம் தேதி அவர் நடித்த ராதே ஷ்யாம் வெளியாகிறது. அதையடுத்து திரைக்கு வரவிருக்கும் படம் சலார். கேஜிஎஃப் இயக்குனர் பிரசாந்த் நீல் இதனை இயக்கி வருகிறார். நாயகியாக ஸ்ருதிஹாசனும், முக்கிய வேடத்தில் ஜெகபதி பாபுவும் நடிக்கின்றனர். இந்தப் படத்தில் பிரதான வில்லன் வேடத்தில் நடிக்க பிருத்விராஜை அணுகியிருக்கிறார்கள்

also read : தனி ஹெலிஹாப்டரில் ஆன்மிக சுற்றுலா சென்ற சமந்தா.. யார் கூட போயிருக்காங்க தெரியுமா ?

பிருத்விராஜ் சலாரில் நடித்தால் படத்தின் வேல்யூ அதிகமாகும். குறிப்பாக மலையாளத்தில் படத்தின் சந்தை மதிப்பு அதிகரிக்கும். தமிழ்நாட்டிலும் பிரபாஸைவிட பிருத்விராஜே பிரபலம். இந்தியில் மூன்று படங்களில் நடித்து ஏற்கனவே அங்குள்ள ரசிகர்களுக்கு அறிமுகமானவர் பிருத்விராஜ். இத்தனை பாஸிடிவ் அம்சங்கள் இருப்பதால், அவரை பிரதான வில்லனாக்க முயற்சிக்கிறார்கள்.

பிருத்விராஜ் அனேகமாக நடிக்க சம்மதிக்கலாம் என்கின்றன தகவல்கள்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Tamilmalar Natarajan
First published: