ஷாருக்கான் இல்லம்.. பதான் குஷியில் குவிந்த ரசிகர்கள்.. பறக்கும் முத்தம் தந்து நெகிழ்ந்த ஷாருக்..!

சித்தார்த் ஆனந்த் இயக்கத்தில் நடிகர் ஷாருக்கான் நடித்துள்ள பதான் திரைப்படம், ரசிகர்கள் மத்தியில் அமோக வரவேற்பைப் பெற்றுள்ளது. உலகம் முழுவதும் 4 நாட்களில் 429 கோடி ரூபாய் வசூல் ஈட்டியுள்ளது. மேலும், அதிவேகமாக 200 கோடி ரூபாய் வசூலை ஈட்டிய முதல் இந்தி மொழி படம் என்ற பெருமையைப் பெற்றுள்ளது. மேலும், கேஜிஎஃப்-2, பாகுபலி-2 சாதனைகளை முறியடித்துள்ளது.

இந்நிலையில், மும்பையின் மன்னாட் பகுதியில் உள்ள ஷாருக்கானின் இல்லம் முன்பு ஏராளமான ரசிகர்கள் நேற்று மாலை குவிந்தனர். அப்போது, இல்லத்தின் பால்கனிக்கு ஜீன்ஸ் பேன்ட் மற்றும் டி-ஷர்ட் அணிந்தபடி வந்த ஷாருக்கான், கையை அசைத்து ரசிகர்களுக்கு நன்றி தெரிவித்தார். மேலும், பறக்கும் முத்தத்தை கொடுத்து ரசிகர்களை உற்சாகப்படுத்தினார். அப்போது, ஷாருக்கான் இளைய மகன் ஆப்ராமும் உடனிருந்தார்.