Home /News /entertainment /

உனக்காகத்தான் இவ்வளவு நாள் வேண்டினேன்... கர்ப்பத்தை அறிவித்த நமீதா!

உனக்காகத்தான் இவ்வளவு நாள் வேண்டினேன்... கர்ப்பத்தை அறிவித்த நமீதா!

நமீதா

நமீதா

2017-ம் ஆண்டு நமீதா - வீரேந்திர செளத்ரி திருமணம் நடந்தது.

    நடிகை நமீதா தான் கர்ப்பமாக இருக்கும் விஷயத்தை இன்ஸ்டகிராம் மூலம் ரசிகர்களுக்கு அறிவித்துள்ளார்.

    கடந்த 2004-ம் ஆண்டு, நடிகர் விஜயகாந்த் நடித்த எங்கள் அண்ணா படத்தின் மூலம் தமிழ் சினிமாவுக்கு அறிமுகமானவர் நடிகை நமீதா. முதல் படத்திலேயே தமிழ் ரசிகர்கள் மனதில் நிலையான இடத்தை பிடித்த அவர் பல இளைஞர்களின் கனவுக் கன்னியாக வலம் வந்தார்.

    விஜய், அஜித் உள்ளிட்ட நடிகர்களுடன் நடித்த நமீதா, கவர்ச்சி நடிகையாகவும் வலம் வந்தார். ஒரு கட்டத்தில் உடல் எடை அதிகரித்து ஆளே அடையாளம் தெரியாமல் மாறினார். மன அழுத்தத்தால் தான் தனது உடல் அவ்வாறு மாறியதாக, பின்னர் நமீதா கலந்துக் கொண்ட பிக் பாஸ் நிகழ்ச்சியில் குறிப்பிட்டார்.

    பட வாய்ப்புகள் குறைந்து சின்னத்திரை நிகழ்ச்சிகளில் மட்டுமே தலைக்காட்டி வந்த நமீதா, கமல் ஹாசன் தொகுத்து வழங்கிய பிக் பாஸ் நிகழ்ச்சியில் கலந்துக் கொண்டார். அதிலிருந்து வெளியில் வந்ததும் தனது காதலர் வீரேந்திர செளத்ரி என்பவரை மணந்துக் கொண்டார்.

    கமல் ஹாசன் படத்தில் சாய் பல்லவி... பிறந்தநாளில் வெளியான அட்டகாச அறிவிப்பு!

    2017-ம் ஆண்டு நமீதா - வீரேந்திர செளத்ரி திருமணம் நடந்தது. இந்நிலையில் தற்போது தான் கர்ப்பமாக இருக்கும் விஷயத்தை தனது பிறந்தநாளில் அறிவித்திருக்கிறார் நமீதா. ”தாய்மை... புதிய அத்தியாயம் தொடங்கியதும், நான் மாறினேன், மிகவும் மென்மையாக என்னுள் ஏதோ மாறியது. பிரகாசமான மஞ்சள் சூரியன் என் மீது பிரகாசிக்கும்போது, ​​புதிய வாழ்க்கை, புதிய உயிர் என்னை அழைத்தது. நான் விரும்பியதெல்லாம் நீ தான், உனக்காக இவ்வளவு நாள் வேண்டினேன். உன் மென்மையான உதைகள் மற்றும் உன் படபடப்புகள், அனைத்தையும் என்னால் உணர முடிகிறது,




    நான் இதுவரை இல்லாத ஒன்றாக என்னை நீ உருவாக்குகிறாய்” என்று குறிப்பிட்டு அந்த மகிழ்ச்சியான செய்தியை அறிவித்திருக்கிறார் நமீதா.



    உடனடி செய்திகளுக்கு இணைந்திருங்கள்
    Published by:Shalini C
    First published:

    Tags: Tamil Cinema

    அடுத்த செய்தி