சூர்யா 42 படத்தில் மிருணாள் தாக்கூர்?

நடிகை மிருணாள் தாக்கூர் சூர்யாவின் 42-வது படத்தில் இடம்பெறவில்லை என்பது உறுதியாகியிருக்கிறது.

சீதா ராமம் படத்தின் வெற்றிக்குப் பிறகு தென்னிந்திய சினிமாவில் பரபரப்பாக மாறிய மிருணால் தாக்கூர், கோலிவுட்டில் அறிமுகமாக இருப்பதாக இணையத்தில் பரபரப்பாக பேசப்படுகிறது. சிறுத்தை சிவா இயக்கத்தில் சூர்யா நடிக்கவிருக்கும் படத்தில், கதாநாயகிகளில் ஒருவராக அவர் நடிக்க ஒப்பந்தமாகியுள்ளதாக தகவல்கள் தெரிவிக்கின்றன.

மிருணால் தாக்கூர் ஃப்ளாஷ்பேக் பகுதிகளில் தோன்றுவார் என்றும், அவரது கதாபாத்திரம் முக்கியமான ஒன்றாக இருக்கும் என்றும் கூறப்படுகிறது. இருப்பினும், படத்தின் தயாரிப்பாளர் கே.இ.ஞானவேல் ராஜாவைத் தொடர்புகொண்டு, மிருணாள் இந்தப் படத்தில் இருக்கிறாரா என்பதை பிரபல ஊடகம் கேட்டது. அதற்கு அவர் அந்த செய்திகளை வதந்திகள் என்று நிராகரித்தார். பீரியட் ஃபேன்டஸி படமாக உருவாகும் சூர்யா 42 திரைப்படம் மிகப்பெரிய நட்சத்திர பட்டாளத்துடன் பிரம்மாண்டமாக உருவாகி வருகிறது. இதன் மூலம் பாலிவுட் நடிகை திஷா பதானி தமிழில் அறிமுகமாகிறார். அதோடு இப்படம் 10 மொழிகளில் வெளியாகிறது.

இதற்கிடையில், மிருணாள் தாக்கூர் தனது தெலுங்கு படத்தின் படப்பிடிப்பை நேற்று தொடங்கினார். இதில் நானி முக்கிய கதாபாத்திரத்தில் நடிக்கிறார். ஷௌர்யுவ் இயக்கியிருக்கும் இப்படம் ஒரு எமோஷனல் குடும்ப நாடகம் என்று கூறப்படுகிறது.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.