அஜித்தின் AK61 படப்பிடிப்பு தளத்தில் மஞ்சு வாரியர்!

அஜித்தின் AK61 படப்பிடிப்பில் கலந்துக் கொண்ட நடிகை மஞ்சு வாரியரின் புகைப்படம் இணையத்தில் வெளியாகியுள்ளது.

கடைசியாக நடிகர் அஜித் குமாரின் 'வலிமை' திரைப்படம் வெளியானது. அதிக பைக் ரேஸ் காட்சிகளைக் கொண்ட இப்படம் ரசிகர்களிடம் நேர்மறை விமர்சனங்களைப் பெற்றது. போனி கபூர் தயாரித்திருந்த இப்படத்தை ஹெச்.வினோத் இயக்கியிருந்தார்.

இதையடுத்து அஜித் மீண்டும் ஹெச்.வினோத் இயக்கத்தில், போனி கபூர் தயாரிப்பில் 'ஏகே61' என்ற படத்தில் நடித்து வருவது அனைவரும் அறிந்ததே. இப்படத்திற்காக அவர் முற்றிலும் மாறுபட்ட இரண்டு கெட் அப்களில் நடிப்பதாக தகவல்கள் தெரிவிக்கின்றன. 'ஏகே 61' படத்தில் அஜித் கதாநாயகனாகவும், வில்லனாகவும் நடிப்பதாகக் கூறப்படுகிறது.

உதயநிதி படத்தைத் தயாரிக்கும் கமல் ஹாசன் - எதிர்பார்ப்பில் ரசிகர்கள்!

குடும்பத்துடன் விடுமுறையைக் கழிக்க ஐரோப்பா சென்றிருந்த அஜித், தனது AK61 படப்பிடிப்பில் கலந்துக் கொள்ள இந்தியா திரும்பிவிட்டார். படத்தில் நடிக்கும் அவரின் தோற்றம் ஒன்று சமீபத்தில் இணையத்தில் வெளியானது. ஆனால் படத்தின் க்ளைமாக்ஸுக்கு அவர் வித்தியாசமான தோற்றத்தில் நடிப்பதால், அதை வெளியில் காட்டாமல் ரகசியமாக வைத்திருக்க அஜித்தும் படக்குழுவினரும் திட்டமிட்டிருக்கிறார்களாம்.

இந்நிலையில் தற்போது AK61 படப்பிடிப்பில் நடிகை மஞ்சு வாரியர் கலந்துக் கொண்டுள்ளார். அந்தப் படம் இணையத்தில் வெளியாகி அஜித் ரசிகர்களிடையே கவனம் ஈர்த்து வருகிறது. வெகுநாட்களாக AK61 படத்தின் அப்டேட்டை எதிர்பார்த்து காத்திருக்கும் ரசிகர்கள், சமீபத்தில் போனி கபூரை சந்தித்த ஐஸ்வர்யா ரஜினிகாந்திடம் படத்தின் அப்டேட் வாங்கி தருமாறு சமூக வலைதளங்களில் வேண்டுகோள் விடுத்தனர்.

விஜய் சேதுபதியுடனான படங்களைப் பகிர்ந்த காத்ரீனா கைஃப் - லைக்ஸ் மழை பொழியும் ரசிகர்கள்!

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

குறிப்பாக AK61 படத்தின் டைட்டில் மற்றும் ஃபர்ஸ்ட் லுக் போஸ்டர் குறித்து ரசிகர்களிடம் அதிக எதிர்பார்ப்பு எழுந்துள்ளது. அவர்களின் எதிர்பார்ப்பை பூர்த்தி செய்யும் விதமாக நடிகையும், போனி கபூரின் மனைவியுமான ஸ்ரீதேவியின் பிறந்தநாளான ஆகஸ்ட் 13-ம் தேதி AK61 படத்தின் டைட்டில் மற்றும் ஃபர்ஸ்ட் லுக் வெளியாகும் என எதிர்பார்க்கப்படுகிறது.