• HOME
  • »
  • NEWS
  • »
  • entertainment
  • »
  • தீபாவளிக்கு 'மாநாடு' வெளியாகவில்லை - புதிய வெளியீட்டு தேதியை அறிவித்த தயாரிப்பாளர்!

தீபாவளிக்கு 'மாநாடு' வெளியாகவில்லை - புதிய வெளியீட்டு தேதியை அறிவித்த தயாரிப்பாளர்!

மாநாடு

மாநாடு

சிம்புவின் மாநாடு திரைப்படம் நவம்பர் 25-ம் தேதி வெளியாகிறது. அதனால் தீபாவளி வெளியீட்டிலிருந்து வெளியேறுவதாக தயாரிப்பாளர் சுரேஷ் காமாட்சி அறிவித்துள்ளார்.

  • Share this:
    சிம்பு நடிப்பில் வெங்கட்பிரபு இயக்கிய மாநாடு திரைப்படம் தீபாவளிக்கு வெளியாகும் என்று அறிவித்திருந்த நிலையில், படம் தீபாவளிக்கு பதில் நவம்பர் 25-ஆம் தேதி வெளியாகும் என தயாரிப்பாளர் அறிவித்துள்ளார்.

    இதுகுறித்து அவர் வெளியிட்டுள்ள அறிக்கை...

    திரையுலகினருக்கும், திரைப்பட ரசிகர்களுக்கும் வணக்கம்.

    நீடித்த பெரும் கோவிட் சிரமங்களுக்கிடையே சில வருட உழைப்பின் பயனாக அறுவடைக்குக் காத்திருக்கிறான் மாநாடு.

    முழுவீச்சில் தயார் செய்து தீபாவளி வெளியீடாக வந்துவிட அனைத்தும் செய்யப்பட்டுவிட்டது. யாரோடும் போட்டி என்பதல்ல.. ஒரு விழா நாளில் மக்கள் ஒன்றுக்கு மேற்பட்ட படங்களைப் பார்ப்பது வழக்கம்.

    அதை கருத்தில் வைத்தே தீபாவளி வெளியீடாக வர முடிவெடுத்தோம்.

    போட்டி என்ற ரீதியில் படத்தை வெளியிட நான் ஒருபோதும் பார்ப்பதில்லை. அப்படி பார்ப்பது வியாபார புத்திசாலித்தனமுமல்ல.

    நமது மாநாடு படம் நன்றாக திருப்தியாக வந்துள்ளது. அதன் மீது மிகப்பெரிய நம்பிக்கையும் உள்ளது. வந்து பார்ப்போம் என இறங்கிவிடலாம்தான். ஆனால், என்னை நம்பி பட வியாபார ஒப்பந்தம் செய்து கொண்டவர்கள் பாதிக்கப்படக் கூடாது.



    அதேபோல் விநியோகஸ்தர்களும் திரையரங்க வெளியீட்டிற்காக பணம் போட்டவர்களும் என் பட வெளியீட்டின் மூலம் லாபம் காண வேண்டும். நட்டமடையக் கூடாது. சில காரணங்களுக்காக ஏன் என் படமும், அதன் வெற்றியும் பலியாக வேண்டும்?

    ஆதலால், மாநாடு தீபாவளிக்கு வெளியாகாமல் சற்றுத் தள்ளி வெளியாக உள்ளது.



    நவம்பர் 25-ம் தேதி படம் வெளியாகும். மாநாடு தீபாவளி வெளியீட்டிலிருந்து வெளியேறுகிறது.

    வெளியாகும் படங்கள் வெற்றிபெற வாழ்த்துகள். பொறுமையாக எங்கள் முடிவை ஏற்கப்போகும் உங்கள் அனைவருக்கும் நன்றிகள்” இவ்வாறு தயாரிப்பாளர் சுரேஷ் காமாட்சி தனது அறிவிப்பில் கூறியுள்ளார்.



    உடனடி செய்திகளுக்கு இணைந்திருங்கள்

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Shalini C
    First published: