இளமைக்கும் திறமைக்கும்.... சிம்பு - தேசிங் பெரியசாமி பட அறிவிப்பு வீடியோ: கமல் வாழ்த்து

கண்ணும் கண்ணும் கொள்ளையடித்தால் திரைப்படத்தை இயக்கிய தேசிங்கு பெரியசாமி, நடிகர் ரஜினிகாந்த் நடிப்பில் புதிய திரைப்படத்தை இயக்குவதற்கான முயற்சிகளில் ஈடுபட்டிருந்தார். ஆனால் அந்த திரைப்படம் தற்போது தொடங்கப்படவில்லை. பின்னர் சிவகார்த்திகேயன் நடிக்கும் படத்தையும் அவர் இயக்குவார் என்றும் தகவல் வெளியாகியிருந்தது.

இந்த நிலையில் தற்போது நடிகர் கமல்ஹாசனின் ராஜ் கமல் நிறுவனம் தயாரிக்கும் புதிய திரைப்படத்தை இயக்க அவர் ஒப்பந்தமாகியுள்ளார். அந்த திரைப்படத்தில் சிலம்பரசன் நாயகனாக நடிக்கிறார். இதற்கான அறிவிப்பு தற்போது வெளியாகியள்ளது. இந்தப் படத்தை கமல்ஹாசனுடன் மகேந்திரன் இணைந்து தயாரிக்கிறார்.

இந்த தகவலை ராஜ்கமல் நிறுவனம் புதிய வீடியோ மூலம் வெளியிட்டுள்ளது. ஆனால் இந்தப் படத்தில் நடிக்கும் நடிகர்கள் தொழில்நுட்ப கலைஞர்கள் குறித்த அறிவிப்பு வெளியாகவில்லை. இந்தப் படம் வருகிற 2024 ஆம் தேதி வெளியாகும் என்று அறிவிக்கப்பட்டுள்ளது.

சினிமா, தலைமுறைகளை இணைக்கிறது; இடைவெளிகளைக் குறைக்கிறது. இளமைக்கும் திறமைக்கும் வாழ்த்துகள்! @SilambarasanTR_ @desingh_dp #STR48 #BLOODandBATTLE #RKFI56_STR48#Mahendran @RKFI @turmericmediaTM @magizhmandram pic.twitter.com/nIcmVjrBHk

— Kamal Haasan (@ikamalhaasan) March 9, 2023

அறிவிப்பு வீடியோவை வெளியிட்டுள்ள நடிகர் கமல்ஹாசன், சினிமா தலைமுறைகளை இணைக்கிறது. இடைவெளிகளைக் குறைக்கிறது. இளமைக்கும் திறமைக்கும் வாழ்த்துகள் என்று குறிப்பிட்டுள்ளார்.