கமல் தயாரிப்பில் சிவகார்த்திகேயன்.... படப்பிடிப்பு எப்போது தெரியுமா?

கமல் ஹாசன் தயாரிப்பில் சிவகார்த்திகேயன் நடிக்கும் படத்தின் படப்பிடிப்பு ஏப்ரலில் துவங்கவுள்ளது.

தமிழ் சினிமாவில் பிரபல நடிகராக வலம் வரும் சிவகார்த்திகேயன், ஒவ்வொரு ஆண்டும் பல படங்களில் நடித்து தன்னை மிகவும் சுறுசுறுப்பாக வைத்திருக்கிறார். அவர் குறித்த லேட்டஸ்ட் அப்டேட் என்னவென்றால், ராஜ்குமார் பெரியசாமியுடன் சிவா நடிக்கும் படம் ஏப்ரலில் தொடங்கவுள்ளது. சிவகார்த்திகேயன் நடிக்கும் அடுத்த படத்தை ‘ரங்கூன்’ பட புகழ் ராஜ்குமார் பெரியசாமி இயக்கவுள்ளார். படத்திற்கு தற்காலிகமாக 'எஸ்கே 21' என்று பெயரிடப்பட்டுள்ளது. இதில் சாய் பல்லவி கதாநாயகியாக நடிக்கிறார். இந்தப் படத்தின் ப்ரீ புரொடக்‌ஷன் தற்போது இறுதி கட்டத்தை எட்டியுள்ளதாகக் கூறப்படுகிறது.

'SK 21' படத்தின் இசையமைப்பாளர் மற்றும் பிற நடிகர்கள் மற்றும் குழுவினர் விவரங்கள் இன்னும் வெளியிடப்படவில்லை. கமல்ஹாசனுக்கு ஸ்டைலிங் செய்து வரும் அம்ரிதா ராம், சிவகார்த்திகேயனுக்கு இப்படத்தில் ஸ்டைலிங் செய்ய ஒப்பந்தம் செய்யப்பட்டுள்ளார். படத்தை கமல்ஹாசனின் ராஜ்கமல் ஃபிலிம் இண்டர்நேஷனல் தயாரிப்பது குறிப்பிடத்தக்கது.

சிவகார்த்திகேயன் தற்போது மடோன் அஷ்வின் இயக்கத்தில் 'மாவீரன்' படத்தில் நடித்து வருகிறார். இந்தப் படத்தின் படப்பிடிப்பு வெற்றிகரமாக இறுதிக்கட்டத்தை எட்டியுள்ளது. ஆக்‌ஷன் என்டர்டெய்னராக உருவாகி வரும் 'மாவீரன்' படத்தில் அதிதி ஷங்கர் கதாநாயகியாகவும், மிஷ்கின் மற்றும் சரிதா துணை வேடங்களிலும் நடித்துள்ளனர்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.