ரஜினி சாருடன் நடிக்கிறேன்.. நீண்டநாள் ப்ளான் இது - லால் சலாம் படம் குறித்து பேசிய நடிகை ஜீவிதா!

ரஜினிகாந்துடன் நடிப்பதில் மகிழ்ச்சி என்று தெரிவித்திருக்கிறார் நடிகை ஜீவிதா ராஜசேகர்.

ஐஸ்வர்யா ரஜினிகாந்த் இயக்கும் லால் சலாம் படத்தில் அவரது தந்தையும் நடிகருமான ரஜினிகாந்த் சிறப்பு தோற்றத்தில் நடிப்பதாக கடந்த வருடம் அறிவிக்கப்பட்டது. இதில் நடிகை ஜீவிதா ராஜசேகர் கிட்டத்தட்ட 33 ஆண்டுகளுக்குப் பிறகு மீண்டும் தமிழில் நடிக்கவிருக்கிறார்.

முன்னணி ஆங்கில ஊடகத்தில் இது குறித்து பகிர்ந்துக் கொண்ட அவர், “மார்ச் 7 ஆம் தேதி நான் செட்டில் இணைகிறேன். என்னுடைய முக்கிய காட்சிகள் திருவண்ணாமலையில் படமாக்கப்படுகிறது. ரஜினி சாருடன் எனக்கு நிறைய காம்பினேஷன் சீன்கள் உள்ளன” என்றார்.

இப்படத்தில் அவர் ரஜினிகாந்தின் தங்கையாக நடிக்கிறார் என்று பரபரப்பாக பேசப்பட்டு வரும் நிலையில், “அந்த மாதிரியான கதாபாத்திரம் தான், ஆனால் விளக்கமாக என்னால் எதையும் சொல்ல முடியாது” என்று தெரிவித்தார் ஜீவிதா.

அதோடு ஐஸ்வர்யா தனக்கு நல்ல தோழி என்றும், ஒரு படத்தில் இருவரும் இணைந்து பணியாற்ற வேண்டும் என நீண்ட நாட்களாக ஆலோசித்து வந்ததாகவும் குறிப்பிட்டார். "இறுதியாக அவருடன் இணைவதில் நான் மகிழ்ச்சியடைகிறேன். இதற்கு ஓகே சொல்ல எனக்கு நிறைய நேரம் ஆனது. ஆனால் என் குடும்பத்தின் ஆதரவு இல்லாமல் இது சாத்தியமில்லை. பல ஆண்டுகளாக மக்கள் என்னைப் பார்க்காததால், புதிதாக இருக்கும் என்று ஐஸ்வர்யா வலியுறுத்தினார். மேலும், நான் ரஜினி சாருடன் இதுவரை எந்தப் படமும் நடித்ததில்லை. கடைசியாக அது நடப்பதில் மகிழ்ச்சி அடைகிறேன்” என்றும் குறிப்பிட்டார் ஜீவிதா.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.