வெப் சீரிஸ்க்கு இவ்வளவு சம்பளமா? ஆச்சர்யப்படுத்தும் தமன்னா!

வெப் சீரிஸ்க்கு இவ்வளவு சம்பளமா? ஆச்சர்யப்படுத்தும் தமன்னா!

தமன்னா

தமன்னா நடிப்பில் நேற்று 11th Hour வெப்சீரிஸ் வெளியானது. தெலுங்கு மொழியில் தமன்னா நடித்திருக்கும் முதல் வெப்சீரிஸ் இது.

  • Share this:
    தமன்னா நடிப்பில் நேற்று 11th Hour வெப்சீரிஸ் வெளியானது. தெலுங்கு மொழியில் தமன்னா நடித்திருக்கும் முதல் வெப்சீரிஸ் இது.

    சினிமாவில் பிஸியாக நடித்துவரும் நிலையில், தமன்னா இந்த வெப் சீரிஸை தேர்வு செய்ய காரணம் என்ன? முதலில் கதை, இரண்டாவது பணம். இந்த வெப் சீரிஸில் தமன்னா ஆதித்யா குரூப்ஸ் ஆஃப் கம்பெனியின் சேர்மனாக நடித்துள்ளார். அதாவது கார்ப்பரேட் ஐகான்.

    இந்தியாவில் உள்ள அனைத்து மக்களுக்கும் குறைந்த கட்டணத்தில் மின்விநியோகம் செய்யும் கனவுத் திட்டத்தை தமன்னா செயல்படுத்த விரும்புகிறார். அதற்கு மத்தியில் ஆளும்கட்சி இடையூறை ஏற்படுத்துகிறது. ஆதித்யா குரூப் ஆஃப் கம்பெனிஸ் மறுநாள் காலைக்குள் ஒன்பதாயிரம் கோடியை இம்பீரியல் வங்கிக்கு செலுத்தியாக வேண்டும் என்று செக் வைக்கிறார்கள். 11 மணிநேர அவகாசத்தில் வைக்கப்படும் இந்த காஸ்ட்லி செக்கை தமன்னா எவ்வாறு கையாண்டு வெற்றி பெற்றார் என்பது கதை.

    முன்னும் பின்னும் நான் லீனியராக செல்லும் கதை, அசுர வேகத்தில் டேக் ஆஃப் ஆகி, போகப் போக பொறுமையை சோதிக்கிறது. படத்தின் பிளஸ் சந்தேகமில்லாமல் தமன்னா. ஆதித்யா குரூப்பின் சேர்மன் அராட்ரிகா ரெட்டியாக அசத்தியிருக்கிறார்.

    இனி இரண்டாவது காரணமான பணம். இந்த வெப் சீரிஸில் நடிக்க இரண்டு கோடி ரூபாய் சம்பளமாக பெற்றிருக்கிறார் தமன்னா. இது வெளியே சொல்லும் ஐடி கணக்கு. நிஜ சம்பளம் இரண்டுக்கும் மேலே என்கிறார்கள். எதுவாக இருப்பினும், அதிகாரப்பூர்வமாக தமன்னா இதில் சம்பாதித்தது இரண்டு கோடிகள்.
    11th Hour வெப் சீரிஸை ஏஹெச்ஏ வெளியிட்டுள்ளது.



    உடனடி செய்திகளுக்கு இணைந்திருங்கள்
    Published by:Shalini C
    First published: