Home /News /entertainment /

‘விரைவில் இந்தியன் 2 படப்பிடிப்பு தொடங்கும்’ – புதிய தகவலால் கமல் ரசிகர்கள் உற்சாகம்

‘விரைவில் இந்தியன் 2 படப்பிடிப்பு தொடங்கும்’ – புதிய தகவலால் கமல் ரசிகர்கள் உற்சாகம்

இந்தியன் 2 படத்தின் ஃபர்ஸ்ட் லுக்

இந்தியன் 2 படத்தின் ஃபர்ஸ்ட் லுக்

Indian 2 Movie : இயக்குனர் ஷங்கர் தனது ட்விட்டர் பக்கத்தின் டிஸ்ப்ளே பிக்சரில் (டிபி) இந்தியன் 2 படத்தின் போஸ்டரை வைத்திருப்பது குறிப்பிடத்தக்கது.

இந்தியன் 2 படப்பிடிப்பு விரைவில் தொடங்கும் என புதிய தகவல்கள் வெளிவந்துள்ளன. இதனால் கமல் ரசிகர்கள் உற்சாகம் அடைந்துள்ளார்கள்.

கமல் 2 வேடங்களில் நடித்து 1996-ல் வெளிவந்த இந்தியன் திரைப்படம் தமிழ் சினிமாவில் குறிப்பிடத்தகுந்த படங்களில் ஒன்றாக அமைந்தது. வழக்கம்போல இந்தப் படத்தை மிக பிரமாண்டமாக இயக்குனர் ஷங்கர் உருவாக்கியிருப்பார்.

ஏ.ஆர்.ரகுமான் இசையில் பாடல்களும் பின்னணி இசையும் ரசிகர்கள் மனதில் நீங்காத இடத்தை பிடித்தது. க்ளைமேக்ஸில் அப்பா கமல் சேனாபதி தப்பிச் சென்று, வெளிநாட்டில் இருந்து போன் பேசுவது போன்று காட்சி அமைக்கப்பட்டிருக்கும்.

இதையும் படிங்க - இன்னொரு செட்டில்மென்ட்! லோகேஷுக்கு Lexus சொகுசு காரை பரிசளித்த கமல்…

இந்நிலையில், முதல் பாகத்தின் தொடர்ச்சியாக இந்தியன் 2 படத்தை எடுக்க முடிவு செய்யப்பட்டு லைகா தயாரிப்பில், கமல் நடிப்பில், ஷங்கர் இயக்கத்தில் படம் உருவாகி வந்தது. இந்த படத்திற்கு ஏ.ஆர்.ரகுமானுக்கு பதிலாக இசையமைப்பதற்கு அனிருத் ஒப்பந்தம் செய்யப்பட்டார்.

தயாரிப்பு நிறுவனத்திற்கும், ஷங்கருக்கும் ஏற்பட்ட பிரச்னை, கிரேன் விபத்தில் 3 பேர் பலியானது, கொரோனா உள்ளிட்ட காரணங்களால் இந்தியன் 2 படப்பிடிப்பு கடந்த 2 ஆண்டுகளாக நடைபெறாமல் இருக்கிறது.

இதையும் படிங்க - கமல்ஹாசனின் விக்ரம் படம் தமிழகத்தில் இதுவரை செய்த வசூல் எவ்வளவு தெரியுமா?

இந்நிலையில் விக்ரம் படத்தின் வெற்றிக்கு பின்னர் உற்சாகமாக உள்ள கமல், இந்தியன் 2 படத்திற்கு ரெடியாக இருக்குமாறு ஒளிப்பதிவாளர் ரத்னவேலுவுக்கு ட்வீட் செய்திருந்தார்.

டான் பட சக்சஸ் விழாவில் பேசிய உதயநிதி, விரைவில் இந்தியன் 2 படத்திற்கான பணிகள் ஆரம்பமாகும் என்று தெரிவித்தார்.

தற்போதைய நிலவரப்படி ஷங்கர், ராம்சரண் நடிக்கும் படத்தில் உள்ளார். கமல் அடுத்ததாக மகேஷ் நாராயணன் இயக்கும் படத்திற்கு தயாராகி வருகிறார். இவ்விரு படங்கள் முடிந்ததும், மீதம் உள்ள இந்தியன் 2 படப் பணிகள் முடிவுக்கு வரும் என்று எதிர்பார்க்கப்படுகிறது.

இயக்குனர் ஷங்கர் தனது ட்விட்டர் பக்கத்தின் டிஸ்ப்ளே பிக்சரில் (டிபி) இந்தியன் 2 படத்தின் போஸ்டரை வைத்திருப்பது குறிப்பிடத்தக்கது.
Published by:Musthak
First published:

Tags: Indian 2, Kamalhaasan

அடுத்த செய்தி