Home /News /entertainment /

A சான்றிதழ் விவகாரத்தில் சிறைத் தண்டனை - திரையரங்குகளுக்கு எச்சரிக்கை

A சான்றிதழ் விவகாரத்தில் சிறைத் தண்டனை - திரையரங்குகளுக்கு எச்சரிக்கை

ஏ சான்றிதழ் படங்கள்

ஏ சான்றிதழ் படங்கள்

சமீபத்தில் வெங்கட்பிரபு இயக்கியிருக்கும் மன்மதலீலை திரைப்படம் வெளியானது. அடல்ட் கன்டென்டில் தயாரான இந்தப் படத்துக்கு தணிக்கைக்குழு A சான்றிதழ் தந்திருந்தது.

A சான்றிதழ் பெற்ற திரைப்படங்களைப் பார்க்க 18 வயதிற்குட்பட்டவர்களை அனுமதிக்கக் கூடாது என்று விதி உள்ளது. இதனை மீறினால் சிறைத்தண்டனை விதிக்கப்படும் என தணிக்கைக்குழு திரையரங்குகளுக்கு சுற்றறிக்கை அனுப்பி எச்சரித்துள்ளது.

இந்திய திரைப்படங்களுக்கு மூன்றுவகையான சான்றிதழ்கள் அளிக்கப்படுகின்றன. U சான்றிதழ் பெற்ற திரைப்படத்தை குழந்தைகள் முதல் அனைத்துத் தரப்பினரும் பார்க்கலாம். U/A சான்றிதழ் பெற்ற படத்தை 18 வயதிற்குட்பட்டவர்கள் பெற்றோர்களின் துணிணையுடன் பார்க்கலாம். A சான்றிதழ் பெற்ற திரைப்படங்களை 18 வயதிற்குட்பட்டவர்கள் பார்க்க அனுமதியில்லை. ஆபாசக் காட்சிகள், வன்முறைக் காட்சிகள் அதிகம் இருப்பின் அப்படங்களுக்கு A சான்றிதழ் வழங்கப்படும். ஆகவே இந்த கட்டுப்பாடு.

தமிழகத்தில் குறைவான எண்ணிக்கையிலான திரையரங்குகளே A சான்றிதழ் பெற்ற திரைப்படங்களுக்கு 18 வயதிற்குட்பட்டவர்களை அனுமதிப்பதில்லை. ஒருவருக்கு 18 நிரம்பியதா இல்லையா என்பதை தோற்றத்தை வைத்து மட்டுமே கணக்கிட முடியும் என்பது இன்னொரு நடைமுறை சிக்கல். A சான்றிதழ் பெற்ற திரைப்படங்களுக்கு 18 வயதிற்குட்பட்டவர்களை அனுமதிப்பதாக புகார் வந்ததைத் தொடர்ந்து தணிக்கைக்குழு திரையரங்குகளுக்கு சுற்றறிக்கை ஒன்றை அனுப்பியுள்ளது. அதில் விதிமுறைகளை சரிவர கடைப்பிடிக்கவில்லையெனில் 3 ஆண்டுகள் சிறைத்தண்டனை மற்றும் ஒரு லட்ச ரூபாய் அபராதம் விதிக்கப்படும் என்று எச்சரிக்கை விடப்பட்டுள்ளது.

பீஸ்ட் ட்ரெய்லருக்கே இந்த கூட்டமா? - அசந்துபோன திரையரங்கு!

சமீபத்தில் வெங்கட்பிரபு இயக்கியிருக்கும் மன்மதலீலை திரைப்படம் வெளியானது. அடல்ட் கன்டென்டில் தயாரான இந்தப் படத்துக்கு தணிக்கைக்குழு A சான்றிதழ் தந்திருந்தது. இந்தப் படத்தை 18 வயதிற்குட்பட்டவர்களும் அதிகளவில் திரையரங்கில் பார்த்து வருகின்றனர். இதன் காரணமாக கொடுக்கப்பட்ட புகாரின் அடிப்படையில் திரையரங்குகளுக்கு தணிக்கைக்குழு எச்சரிக்கை விடுத்திருக்கலாம் என கூறப்படுகிறது.



உடனடி செய்திகளுக்கு இணைந்திருங்கள்
Published by:Shalini C
First published:

Tags: Tamil Cinema

அடுத்த செய்தி