• HOME
  • »
  • NEWS
  • »
  • entertainment
  • »
  • ‘டாக்டர்’ படத்தின் ‘நெஞ்சமே’ பாடல் ரிலீஸ் - ரசிகர்கள் மகிழ்ச்சி

‘டாக்டர்’ படத்தின் ‘நெஞ்சமே’ பாடல் ரிலீஸ் - ரசிகர்கள் மகிழ்ச்சி

Youtube Video

‘டாக்டர்’ படத்தின் இரண்டாவது பாடலை படக்குழு வெளியிட்டுள்ளது.

  • Share this:
    சிவகார்த்திகேயன் நடிப்பில் கோலமாவு கோகிலா இயக்குநர் நெல்சன் திலீப்குமார் இயக்கத்தில் உருவாகி வரும் படம் ‘டாக்டர்’.
    இந்தப் படத்தில் ப்ரியங்கா அருள் நாயகியாக நடிக்கிறார். இது அவருக்கு முதல் தமிழ்ப்படம். மேலும் வினய், யோகி பாபு உள்ளிட்டோரும் முக்கிய கதாபாத்திரங்களில் நடிக்கின்றனர்.

    சிவகார்த்திகேயனின் தயாரிப்பு நிறுவனம் மற்றும் கே.ஜே.ஆர் ஸ்டுடியோஸ் இணைந்து தயாரிக்கும் இந்தப் படத்தின் படப்பிடிப்பு சென்னை, ஹைதராபாத், கோவா உள்ளிட்ட இடங்களில் நடைபெற்றது. இன்னும் சில காட்சிகள் மட்டுமே படமாக்கப்பட வேண்டிய சூழ்நிலையில், படத்தின் போஸ்ட் புரொடக்‌ஷன் பணிகள் மும்முரமாக நடைபெற்று வருகின்றன.

    ‘டாக்டர்’ படத்தில் இடம்பெற்ற ‘செல்லம்மா’ என்ற முதல் பாடலை கடந்த மாதம் படக்குழு வெளியிட்டது. சிவகார்த்திகேயன் எழுதிய அந்தப் பாடலை அனிருத் பாடியிருந்த நிலையில் ரசிகர்களிடையே நல்ல வரவேற்பைப் பெற்றது. அதைத்தொடர்ந்து தற்போது ‘நெஞ்சமே’ என்ற மெலடி பாடலை படக்குழு வெளியிட்டுள்ளது.



    மோகன் எழுதியிருக்கும் இந்தப் பாடலையும் இசையமைப்பாளர் அனிருத் பாடியிருக்கிறார். லாக்டவுன் காலகட்டத்திலும் ‘டாக்டர்’ படக்குழு தொடர்ந்து இரண்டு பாடல்களை வெளியிட்டிருப்பது ரசிகர்களை மகிழ்ச்சியில் ஆழ்த்தியுள்ளது.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Sheik Hanifah
    First published: