''தமிழ் சினிமாவுக்கு ரொம்ப நாளுக்கு பிறகு ஒரு ஹீரோ கிடச்சிருக்காரு...'' - கவின் குறித்து பிரபல இயக்குநர் கமெண்ட்

அறிமுக இயக்குநர் கணேஷ் கே.பாபு இயக்கத்தில் கவின், அபர்ணா தாஸ் இணைந்து நடித்துள்ள டாடா திரைப்படம் திரையரங்குகளில் இன்று வெளியாகி பாஸிட்டிவ் விமர்சனங்களைப் பெற்றுவருகிறது. பிரபலங்கள் பலரும் இந்தப் படத்தைப் பாராட்டி சமூக வலைதளங்களில் கருத்து தெரிவித்துவருகின்றனர்.

அந்த வகையில் பிரபல இயக்குநர் சுசீந்திரன் இந்தப் படம் குறித்து தனது ட்விட்டர் பக்கத்தில், ''அற்புதமான காதல் கதை. இயக்குநர் தன் முதல் படத்தில் வெற்றிபெற்று இருக்கிறார். கவின், அபர்ணா தாஸ் அருமையான நடிப்பு. சிறுவனின் நடிப்பு கொள்ளை அழகு.

தமிழ் சினிமாவிற்கு வெகுநாட்களுக்கு பிறகு டாடா திரைப்படத்தின் மூலம் ஒரு ஹீரோ கிடைச்சிருக்காரு. கவின் நடிப்பு மிக நேர்த்தி. கலக்கிட்டீங்க பிரதர் வாழ்த்துகள்'' என்று குறிப்பிட்டுள்ளார்.

#DadaFromToday 👍👍@kavin❤️❤️@aparnaDasss @RedGiantMovies_ ❤️❤️❤️#dirganesh pic.twitter.com/JjMyBonUDy

— Suseenthiran.Na (@Dir_Susi) February 10, 2023

ஒலிம்பியா மூவிஸ் சார்பில் அம்பேத் குமார் தயாரித்துள்ள இந்தப் படத்தை ரெட் ஜெயண்ட் மூவிஸ் நிறுவனம் வெளியிட்டுள்ளது. இந்தப் படத்தில் பாக்யராஜ், ஐஸ்வர்யா பாஸ்கரன், விடிவி கணேஷ், பிரதீப் ஆண்டனி, ஹரிஷ் உள்ளிட்டோர் முக்கிய வேடங்களில் நடித்துள்ளனர். எழில் அரசு ஒளிப்பதிவு செய்துள்ள இந்தப் படத்துக்கு ஜென் மார்டின் இசையமைத்துள்ளார்.