எங்கள் வீட்டின் ஆலமரம் சாய்ந்தது... கொரோனா காலத்தில் அட்லீ வீட்டில் நிகழ்ந்த சோகம்

எங்கள் வீட்டின் ஆலமரம் சாய்ந்தது... கொரோனா காலத்தில் அட்லீ வீட்டில் நிகழ்ந்த சோகம்

இயக்குநர் அட்லீ

இயக்குநர் அட்லீ தனது பெரியப்பாவை இழந்த சோகத்தை சோஷியல் மீடியாவில் வெளிப்படுத்தியுள்ளார்.

  • Share this:
தமிழ் சினிமாவின் பிரமாண்ட இயக்குநர் ஷங்கரிடம் உதவியாளராக பணியாற்றிய அட்லீ ராஜாராணி தொடர்ந்து வெற்றிப்படஙகளை இயக்கி முன்னணி இயக்குநராக வலம் வருகிறார். இயக்குநர் மட்டுமின்றி அந்தகாரம் உள்ளிட்ட ஒரு சில படங்களை தயாரித்தும் உள்ளார்.

பிகில் பட வெற்றிக்குப் பின் ஷாருக்கானை வைத்து படம் இயக்க இருப்பதாக தகவல்கள் வெளியாகின. ஆனால் இதை இருவரும் இன்னும் உறுதிப்படுத்தவில்லை. இந்நிலையில் தனது பெரியப்பா மறைந்திருப்பதாக ட்விட்டர் பக்கத்தில் சோகத்தை வெளிப்படுத்தியுள்ளார் அட்லீ.

அவர் தனது பதிவில் கூறியிருப்பதாவது, “என் பெரியப்பா நீதிபதி சவுந்திர பாண்டியன் காலமானார். எங்கள் குடும்பத்தின் ஆலமரம் சரிந்தது. எப்படி எதிர்கொள்வது எனத் தெரியவில்லை. அவரை நான் மிகவும் நேசிக்கிறேன். பெரியப்பா நீங்கள் எப்போதும் எங்கள் அரசர், எங்களின் முன் மாதிரி. உங்களை ரொம்பவே மிஸ் செய்கிறோம். நிம்மதியாக ஓய்வெடுங்கள்” என்று கூறியுள்ளார்.



சோகத்தில் ஆழ்ந்திருக்கும் இயக்குநர் அட்லீக்கும் அவரது குடும்பத்தினருக்கும் திரைத்துறையினர் பலரும் ஆறுதல் தெரிவித்து வருகின்றனர். இந்தியாவில் கொரோனா இரண்டாவது அலை வேகமெடுத்து வரும் நிலையில் மக்கள் அச்சத்தில் உறைந்துள்ளனர். இந்த காலகட்டத்தில் அட்லீயின் வீட்டில் நிகழ்ந்திருக்கும் சோகம் குடும்பத்தினரை அதிர்ச்சியிலும், சோகத்திலும் ஆழ்த்தியுள்ளது.
Published by:Sheik Hanifah
First published: