பிரபல இயக்குனர் டி.பி.கஜேந்திரன் காலமானார்... சோகத்தில் திரையுலகம்..!

தமிழ் திரையுலகில் வீடு, மனைவி, மக்கள் திரைப்படம் மூலமாக 1988ஆம் ஆண்டு இயக்குநராக அறிமுகமானவர் டி.பி.கஜேந்திரன். ராமராஜன் நடித்த எங்க ஊரு காவல்காரன், கார்த்தி நடித்த பாண்டிய நாட்டுத் தங்கம், பிரபு நடித்த பட்ஜெட் பத்மநாதன், சீனா தானா உள்ளிட்ட பல்வேறு படங்களை இயக்கியுள்ளார்.

ஏராளமான திரைப்படங்களில் நகைச்சுவை கதாபாத்திரங்களிலும் நடித்தார். கடந்த சில மாதங்களுக்கு முன்பு இதய அறுவை சிகிச்சை செய்யப்பட்ட நிலையில், வீட்டில் இருந்தபடி ஓய்வெடுத்து வந்தார். முதலமைச்சர் மு.க.ஸ்டாலினின் வகுப்புத் தோழரான டி.பி.கஜேந்திரனை, ஸ்டாலினும் நேரில் சந்தித்து நலம் விசாரித்து சென்றார்.

இந்த நிலையில் சென்னையில் உள்ள தனது இல்லத்தில் டி.பி.கஜேந்திரன் இன்று காலை காலமானார். அவருக்கு வயது 68. நேற்று பாடகி வாணி ஜெயராம் உயிரிழந்த நிலையில், இன்று இயக்குனர் டி.பி.கஜேந்திரன் காலமானது தமிழ் திரையுலகை சோகத்தில் ஆழ்த்தியுள்ளது.