மருத்துவரை மணமுடித்தார் இயக்குநர் விஜய்!

இயக்குநர் ஏ.எல்.விஜய், மருத்துவர் ஐஸ்வர்யா திருமணம் இன்று நடைபெற்றது.

‘கிரீடம்’ படத்தின் மூலம் தமிழ் சினிமாவில் இயக்குநராக அறிமுகமானவர் ஏ.எல்.விஜய். தொடர்ந்து மதராசபட்டிணம், தலைவா உள்ளிட்ட படங்களை இயக்கிய இவர் 2014-ம் ஆண்டு நடிகை அமலாபாலை திருமணம் செய்து கொண்டார்.

பின்னர் கருத்து வேறுபாடு காரணமாக 2016 -ம் ஆண்டு ஆகஸ்ட் மாதத்தில் சென்னை குடும்ப நல நீதிமன்றத்தில் விவாகரத்து கோரி மனு அளித்தனர். இதையடுத்து இவர்களுக்கு 2017-ம் ஆண்டு பிப்ரவரி மாதத்தில் விவாகரத்து வழங்கியது குடும்ப நல நீதிமன்றம்.

இதையடுத்து சமீபத்தில் தனது இரண்டாவது திருமணம் குறித்த அறிவிப்பை வெளியிட்ட ஏ.எல்.விஜய், ஐஸ்வர்யா என்ற பொதுநல மருத்துவரை திருமணம் செய்து கொள்வதாக அறிவித்தார்.



அதன்படி சென்னை மண்ணிவாக்கத்தைச் சேர்ந்த ராஜன் பாபு - அனிதா தம்பதியின் மகள் ஐஸ்வர்யா - இயக்குநர் ஏ.எல்.விஜய் திருமணம் இன்று நடைபெற்றது. இந்த திருமணத்தில் இரு வீட்டாரின் நெருங்கிய உறவினர்கள் மட்டும் கலந்து கொண்டதாக தகவல்கள் வெளியாகியுள்ளன.

Happy married life dear @DirectorALVijay brother 😊 pic.twitter.com/YqqdvRbGYF

— RK SURESH (@studio9_suresh) July 11, 2019

இயக்குநர் ஏ.எல்.விஜய்க்கு திரைத்துறையினர் பலரும் தங்களது வாழ்த்துகளைத் தெரிவித்து வருகின்றனர்.

வீடியோ பார்க்க: 2019-ல் எதிர்பார்க்கப்படும் படங்கள் - ஒரு பார்வை