தனுஷின் வாத்தி பட 3 நாள் வசூல் இவ்வளவா? - அதிகாரப்பூர்வ அறிவிப்பு

தனுஷ் நடிப்பில் வாத்தி என்ற பெயரில் தமிழிலும் சார் என்ற பெயரில் தெலுங்கிலும் கடந்த வெள்ளியன்று திரையரங்குகளில் வெளியானது. தமிழில் கலவையான விமர்சனங்கள் கிடைத்த நிலையில் தெலுங்கில் வாரிசு படத்துக்கு பாஸிட்டிவ் விமர்சனங்கள் கிடைத்துவருவதாக கூறப்படுகிறது.

வாத்தி படத்தில் தனுஷுக்கு ஜோடியாக சம்யுக்தா நடிக்க, சமுத்திரக்கனி முக்கிய வேடத்தில் நடித்திருக்கிறார். ஜி.வி.பிரகாஷ் குமார் இந்தப் படத்துக்கு இசையமைத்துள்ளார். சமுத்திரக்கனி நடித்த சாட்டை படத்தின் சாயலில் வாத்தி படத்தின் கதை இருப்பதாக விமர்சனங்கள் எழுந்துள்ளன.

இந்தப் படத்தின் வசூல் குறித்து பல்வேறு தகவல்கள் பரவிவரும் நிலையில் வாத்தி படம் ரூ. 50 கோடிக்கும் அதிகமாக வசூலித்துள்ளதாக தயாரிப்பு நிறுவனமான சித்தாரா எண்டர்டெயின்மென்ட் நிறுவனம் அறிவித்துள்ளது.

இதுபோல் வாரிசு படத்தின் வசூல் குறித்து பல்வேறு தகவல்கள் பரவிய நிலையில் அப்பட நிறுவனமே தொடர்ச்சியாக அதிகாரப்பூர்வமாக அறிவித்து வந்தது குறிப்பிடத்தக்கது.