கையில் பத்து தல போஸ்டர்.. அரோகரா கோஷம்.. பழனி கோயிலில் கூல் சுரேஷ்!

'சில்லுனு ஒரு காதல்', 'நெடுஞ்சாலை' உள்ளிட்ட படங்களை இயக்கி ஒபிலி கிருஷ்ணா இயக்கத்தில் சிம்பு நடிக்கும் படம் 'பத்து தல'. இதில் பிரியா பவானி சங்கர், கௌதம் கார்த்திக், கலையரசன், கௌதம் வாசுதேவ் மேனன், டீஜே, ஜோ மல்லூரி,  மலையாள நடிகை அனு சித்தாரா, ரெடின் கிங்ஸ்லி ஆகியோர் முக்கிய கதாபாத்திரத்தில் நடிக்கின்றனர். இந்தப் படத்திற்கு ஏ.ஆர்.ரகுமான் இசையமைத்துள்ளார்.

வெந்து தணிந்தது காடு படத்தை தொடர்ந்து ஸ்டூடியோ கிரீன் சார்பில்  கே.ஈ.ஞானவேல் ராஜா இந்தப் படத்தை தயாரிக்கிறார்.  இந்த திரைப்படத்திற்கான படப்பிடிப்பு நிறைவடைந்ததாக படக்குழு சமீபத்தில் அறிவித்திருந்தது. இதையடுத்து நடிகர் கௌதம் கார்த்திக்கும் நடிகை பிரியா பவானி சங்கரும் தங்களது டப்பிங் பணிகளை முடித்ததாக தெரிவித்திருந்தனர். தற்போது படத்திற்கான இறுதி கட்டப் பணிகள் நடைபெற்று வருகின்றன.

முன்னதாக இந்த திரைப்படம் டிசம்பர் மாதமே வெளியாகும் என்று எதிர்பார்க்கப்பட்டது.  ஆனால், ஒரு சில காரணங்களால் படத்தின் வெளியீடு 3 மாதங்கள் தள்ளி வைக்கப்பட்டது. இதனால் பிப்ரவரி அல்லது மார்ச் மாதம் வெளியாகும் என தகவல் வெளியாகி வந்தது. இந்நிலையில், தற்போது படத்தின் வெளியீட்டு தேதி அதிகாரபூர்வமாக அறிவிக்கப்பட்டுள்ளது. அதன்படி ‘பத்து தல’  வரும் மார்ச் மாதம் 30-ம் தேதி வெளியாகும் என அறிவிக்கப்பட்டுள்ளது.

இந்நிலையில் பத்து தல படம் வெற்றியடைய வேண்டும் என்று நடிகர் கூல் சுரேஷ் பழனி கோயிலில் தரிசனம் செய்தார். படிப்பாதையில் நண்பர்களுடன் வந்த அவர் நடிகர் சிம்பு நடிப்பில் வெளிவர உள்ள பத்து தலை படத்தின் போஸ்டரை கையில் ஏந்தியவாறு படம் வெற்றி அடைய வேண்டி அரோகரா கோஷம் எழுப்பியவாரே வந்தார்.

பழனி கோயிலில் தற்போது கும்பாபிஷேகம் முடிந்த நிலையில் நாளுக்கு நாள் பக்தர்கள் கூட்டம் அதிகரித்த வண்ணம் உள்ளது. 48 நாள் மண்டல பூஜை நடைபெற்று வரும் நிலையில் நாள்தோறும் ஏராளமான பிரபலங்களும் மலைக்கு வந்து சாமி தரிசனம் செய்து செல்கின்றனர். நடிகைகள் அமலாபால், சமந்தா முன்னதாக சாமி தரிசனம் செய்தது குறிப்பிடத்தக்கது.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.