• HOME
  • »
  • NEWS
  • »
  • entertainment
  • »
  • 'ஜெய்பீம்’ என்னுள் பல தாக்கங்களை ஏற்படுத்தியது - முதலமைச்சர் மு.க.ஸ்டாலின்!

'ஜெய்பீம்’ என்னுள் பல தாக்கங்களை ஏற்படுத்தியது - முதலமைச்சர் மு.க.ஸ்டாலின்!

மு.க.ஸ்டாலின்

மு.க.ஸ்டாலின்

தமிழ்நாடு முதலமைச்சர் மு.க.ஸ்டாலின் ஜெய் பீம் படத்தை வெகுவாக பாராட்டி அறிக்கை ஒன்றை வெளியிட்டுள்ளார்.

  • Share this:
    நடிகர் சூர்யாவின் ஜெய் பீம் திரைப்படத்தை முதலமைச்சர் மு.க.ஸ்டாலின் வெகுவாக பாராட்டி அறிக்கை வெளியிட்டுள்ளார்.

    நடிகர் சூர்யா நடித்துள்ள 39-வது படம் ‘ஜெய் பீம்’. இப்படத்தை கூட்டத்தில் ஒருவன் பட இயக்குனர் டி.ஜே.ஞானவேல் இயக்கி உள்ளார். நடிகர் சூர்யா முக்கிய வேடத்தில் நடித்துள்ள இப்படத்தில் பிரகாஷ் ராஜ், கர்ணன் பட நடிகை ரஜிஷா விஜயன், லிஜோமோல் ஜோஸ் ஆகியோர் முக்கிய கதாபாத்திரத்தில் நடித்திருக்கிறார்கள்.

    சூர்யா தனது 2டி எண்டெர்டெயின்மெண்ட் நிறுவனம் மூலம் தயாரித்துள்ள இந்தப் படம், நாளை அமேசான் பிரைம் ஓடிடி தளத்தில் வெளியாகிறது. முன்னதாக படத்தின் சிறப்புக்காட்சி திரையிடப்பட்டது. இதைப் பார்த்தவர்கள் ஜெய் பீம் படத்தை இணையத்தில் வெகுவாக பாராட்டி வருகின்றனர்.

    இந்நிலையில் படத்தைப் பார்த்த தமிழ்நாடு முதலமைச்சர் மு.க.ஸ்டாலின் ஜெய் பீம் படத்தை வெகுவாக பாராட்டி அறிக்கை ஒன்றை வெளியிட்டுள்ளார். அதில், “காவல் நிலையம் ஒன்றில் நடந்த இதே போன்ற தாக்குதல் தான், சென்னை மத்திய சிறையில் 1976-ம் ஆண்டு பிப்ரவரி 2-ம் நாள் இரவு எனக்கும் நடந்தது. என் மீது விழுந்த பல அடிகளை தாங்கியவர் மரியாதைக்குரிய சிட்டிபாபு அவர்கள். அதனால் அவரது உயிரே பறிபோனது. அன்று நடந்த சித்திரவதைகளை ’சிறை டைரி’யாக சிட்டிபாபு அவர்கள் எழுதியுள்ளார்கள். இந்த நினைவுகள் அனைத்தும் நேற்று ஜெய்பீம் பார்த்து விட்டு வெளியில் வந்தபோது மனக்கண் முன் நிழலாடியது.



    இப்படி பல்வேறு தாக்கங்களை என்னுள் ஏற்படுத்த காரணமான ’ஜெய்பீம்’ படக் குழுவினருக்கு எனது பாராட்டுகள்! நண்பர் சூர்யாவுக்கு எனது வாழ்த்தும் நன்றியும்!” எனக் குறிப்பிட்டுள்ளார்.



    இதையடுத்து முதலமைச்சர் மு.க.ஸ்டாலின் அறிக்கைக்கு நடிகர் சூர்யா தனது நன்றியை தெரிவித்து ட்வீட் செய்துள்ளார்.



    உடனடி செய்திகளுக்கு இணைந்திருங்கள்

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Shalini C
    First published: