Home /News /entertainment /

Vikram: மகானில் நடித்த ஒவ்வொரு நொடியும் ஸ்வீட் கனவு - விக்ரம் பெருமிதம்!

Vikram: மகானில் நடித்த ஒவ்வொரு நொடியும் ஸ்வீட் கனவு - விக்ரம் பெருமிதம்!

விக்ரம்

விக்ரம்

Social media-வில் ரீல்ஸ், மீம்ஸ், ட்வீட்ஸ் & மெஸெஜெஸ் வாயிலாக மகானை கொண்டாடிய அனைவரின் அன்பையும், ஆதரவையும் உணர்ந்தேன். இந்த அன்புதான் என்னை மென்மேலும் பாடுபட ஊக்குவிக்கிறது.

    மகான் படத்தின் வெற்றிக்கு உழைத்த அனைவருக்கும் தனது நன்றியை தெரிவித்து அறிக்கை ஒன்றை வெளியிட்டுள்ளார் நடிகர் விக்ரம்.

    விக்ரம் நடிப்பில் 2016-ல் வெளியான இருமுகன் படம் சுமாராகப் போனது. அதன் பிறகு அவர் நடித்த சாமி ஸ்கொயர், கடாரம் கொண்டான் படங்கள் ரசிகர்களை திருப்தி செய்யவில்லை. சமீபத்தில் விக்ரம் நடிப்பில் கார்த்திக் சுப்பராஜின் இயக்கத்தில் மகான் திரைப்படம் வெளியானது.

    இந்தப் படம் ரசிகர்களை கவர்ந்ததோடு வெளியாகி 50 நாட்களை வெற்றிகரமாக கடந்திருக்கிறது. தியேட்டரில் வெளியாகும் என எதிர்பார்த்து காத்துக் கொண்டிருந்த ரசிகர்களுக்கு ஏமாற்றமே மிஞ்சினாலும், அமேசான் ஓடிடி தளத்தில் வெளியான மகான் திரைப்படம், பாஸிட்டிவ் விமர்சனங்களைப் பெற்றது.

    இந்நிலையில் மகான் படத்தின் வெற்றிக்கு உழைத்த அனைவருக்கும் நன்றி தெரிவித்து அறிக்கை ஒன்றை வெளியிட்டுள்ளார் நடிகர் விக்ரம். அதில், “வாழ்க்கையில் நாம் விரும்பி செய்த ஒரு விஷயம் வெற்றியை தொடும்போது கிடைக்கும் சந்தோஷத்திற்கு அளவே இல்லை. மகானில் நடித்த ஒவ்வொரு நொடியும் என் மனதில் இன்றும் ஒரு ‘sweet’ கனவாய் நிற்கிறது. அதே மகான் நான்கு மொழிகளில் அனைவரும் கண்டு ரசித்த ஒரு பிரமாண்ட வெற்றி படம் என்று நினைக்கும்போது.. மகிழ்ச்சியோ மகிழ்ச்சி.

    Dhanush: ஐஸ்வர்யாவுடன் ஏற்பட்ட பிரிவு... குடும்பத்தினருடன் நேரம் செலவிடும் தனுஷ்!

    Social media-வில் ரீல்ஸ், மீம்ஸ், ட்வீட்ஸ் & மெஸெஜெஸ் வாயிலாக மகானை கொண்டாடிய அனைவரின் அன்பையும், ஆதரவையும் உணர்ந்தேன். இந்த அன்புதான் என்னை மென்மேலும் பாடுபட ஊக்குவிக்கிறது. இதை என்றும் அன்புடனும், பணிவுடனும் நன்றி மறவாமல் நினைவில் கொள்வேன். அப்படியே ஒரு வியக்கத்தக்க கேன்வாசில் மகானை கொண்டு போய் நிறுத்திய கார்த்திக் சுப்புராஜின் கைவண்ணம், எனக்கு அன்பாய் வழங்கிய சுதந்திரம், சின்ன சின்ன விஷயங்களை ரசித்து வழி நடத்திய விதம்.. அழகு. நன்றிகள் பல்லாயிரம். பாபிக்கு thanx. நீ இல்லாமல் என் சத்யா சாத்தியமே இல்லை. சிறப்பாக நடிப்பது தனக்கொரு இயல்பான talent-னு மீண்டும் சுட்டி காட்டிய சிம்ரனுக்கு thank you.

    சஞ்சீவ் வாங்கிய சூப்பர் விருது... ஆனந்த கண்ணீரில் ஆல்யா மானசா!

    த்ருவ். தனக்குள் இருக்கும் திறமையையும், தனித்துவத்தையும் வெளியே கொண்டு வந்து சவாலாக இமேஜ் தாண்டியதிற்கு.. hats-off மகனே. வியர்வை, ரத்தம், (நிஜமான) கண்ணீர் சிந்தி மகானின் வெற்றிக்கு உழைத்த மகான் gangற்கு ஒரு பெரிய salute. எங்களுடன் ‘நீயா, நானா’ என்று வெறியோடு போட்டி போட்டு கலக்கிய சனா, ஷ்ரேயெஸ், தினேஷ்.. Rock on! மகானை நிஜமாக்கிய தயாரிப்பாளருக்கும், உலகம் முழுவதும் உள்ள கோடிக்கணக்கான இல்லங்களிலும், உள்ளங்களிலும் கொண்டு சேர்த்த அமேசான் பிரைம் வீடியோவுக்கும் a big thank you” எனத் தெரிவித்துள்ளார்.



    உடனடி செய்திகளுக்கு இணைந்திருங்கள்
    Published by:Shalini C
    First published:

    Tags: Actor Vikram, Amazon Prime

    அடுத்த செய்தி